Валда ян/1932/04/Большевиконь темпт - 3-це большевиконь тундань видемати анокламаса
|
| |||
 | ||||
| (СВЕТЛЫЙ ПУТЬ) | ||||
| Март ков 1932 к. 4 № |
| Большевиконь темпт- |
| 3-це большевиконь тундань видемати анокламаса |
Тятдень 1932-це кизонь колмоце большевиконь тундань видема кампаниясь йотафневи ся пиньгова, мзярда минь Мокшэрзянь обласьцонок сатомя оцю сатфкст велень хозяйствать социалистическай ки ланкс ладямаса, страфтф-калафтф йомбла сюра-видиень хозяйстванятнень оцю социалистическай хозяйствас пуроптомаса.
Нят сатфксне юрнек полафнесазье мокшэрзянь велеть шаманц. Сплошной колективизациять вельдя машфневи кулакть (кода класонь) васц, мокшэрзянь велетнень эса пуропневихть од, вию социалистичскай хозяйстват, конатнень эса сембе труць лаць севи од кигя, социалистическай метоттнень и форматнень коряс,
Кда большевиконь васенце тундать колхосне занцесть областень сембе хозяйстватнень эзда 8 3 процент, то тятдень али большевиконь колмоце тундать эзда синь заньцихть 70,1. процент сембе областень хозяйстватнень эзда.
Минь основнойста шумордаськ обласьцонок сплошной коллективизациять и тянь вельдя машфттама кулачествать кода классонь. Машфневи кулаксь фсякай лаца кармай молема тундань видемати цебярьста анокламать и видемать цебярьста йотафтоманц каршес. Сон сембе вийса кармай тюрема нят мероприятиятнень мархта, конать нолневихть видемать эсь пиньгова шумордаманц инькса, сьоронь шачемать касфтоманц инькса и ст. тав.
Минь задачанекя тундань видема кампанияти анокламста и видемать йотафтомста вишкя массовай азондама работать вельдя максомс кемя отпор кулачествать тяфтама мялензонды и тяфтама тевонзонды.
Областень колмоце партийнай конференциясь азозе, што минь обласьцонок тиевсь оцю сязьфкс колхоснень и совхоснень количественнай и качественнай ширесснон йоткса. Колхоснень и совхоснень качествасна лядонды синь количестваснон эзда. Сяс минь тяни инголенок ащи васеньце центральнай задача — тя колхоснень организационно-хозяйственнай ширеснон кемокстамац. Тя задачать перьф миндейнек эрявихть мольфтемс сембе работанекя большевиконь колмоце тундати анокламаса и тундань видемать йотафтомаса. Аф эряви юкстамс ся, што хэзяйственнай ширьдя лафчста кемокстаф колхозти аф пяшкодевихть цебярьста нят задачатне, конат ащихть сонь инголенза тяфтама оцю политическай кампаниянь йотафтомаса, кода большевиконь колмоце тундась.
Штоба цебярьста йотафтомс колмоце большевиконь тундать, штоба сатфкс мархта пяшкодемс сембе арьсеф мероприятиятнень эряви цебярьста и эсь пиньгова анокламс тя кампанияти. Видема кампанияти эсь пиньгова и цебярьста анокламать эзда лисенди видема плантть пяшкодемац и вельф пяшкодемац.
Кода жа минь обласьцонок моли тя пяк оцю политическай кампанияти анокламась? Эряви азомс, што сон тя пинькс ниньгя моли аф стама темпса, кодамса ба сон эряволь мольфтемс.
1932-це кизонь тундань видема кампаниять йотафгомста арьсеф видема площаць касфтомс 17,3 проценц 1931-це кизонь видема площадть вакста.
Тя путни минь инголенек пяк оцю задача, штоба минь эсь пиньгова и сатомшка аноклалема видьмот. Но кода тевса йотафневи видьмонь анокламась? Март ковт 20-це шинцты марстоптф видьмотне кочкафт сембоц аньцек 76,5 проценц, эста кода ВКП(б)-нь Обкомть пугфксса мярькфоль, штоба каямс видьмотнень мартть 15 це шинц самс. Тяста няеви, што видьмонь фондонь кочкамати болшевиконь темпт тя пинькс аф массевихть.
Штоба цебярьста мольфтемс сембе работать большевиконь колмоце тундань видема кампанияста, эряви тяньди цебярьста и эсь пиньгова тиемс рабочай платт колхосннень эзга. Кода жа ащи тя тевсь? 20-це мартти колхоснень эзга рабочай планонь тиемась пяшкотьф аньцек 21,6 проценц, производствениай планонь тиемась пяшкотьф 99,3 проценц.
[ 2 ]
 |
| Колхозонь кузенцяса петихть инзамат тундань видема кампаниянди
|
Большевиконь колмоце тундаста минь арьсекшнетяма ламода кеподемс сьоронь шачемать. Тя веши, штоба минь оцю мяльса кярьмоделемя агротехническай мероприятиятнень йотафнема. Тя тевса минь тяфта-жа лядонттама фталу. Кда ванцаськ кода моли видьмонь ароптомась, то минь няйсаськ, што 20-це мартти заданиясь пяшкотьф 76,2 проценц, видама сьоронь чистай сьоронь ланкс полафтомаса планць пяшкотьф аньцек 34,4 проценц али полафтомс арьсеф 44.380 центнер сьороть эзда полафтф аньцек 15.307 центнер. Минь Мокшэрзянь обласьцонок модась пяк лама веши удобренияда. Но кода минь йотафнесаськ тя тевть? Тя тявса минь тяфта жа лядонттама фталу. 20 це мартти наземонь удобренияда модать ланкс путф аньцек 39 процент сембе путомс арьсевикс удобрениятнень эзда. Тя тяфта жа корхтай сянкса, што тя тевть ланкс вастова эрявикс мяль аф шарфневи, што тя тевть колхосне аф лувонцазь пяк эрявикс тевонди. Ловонь кирьдема планць 20-це мартти минь обласьцонок пяшкотьф тяфта-жа аньцек 30 проценц.
Тундань видема кампанияста минь инголенок пяк оржаста ащи кизефкссь фуражень анокламать колга. Лама колхозга фуражсь йотафневи кода повсь и тя тевсь арси минь инголенок пяк оцю пелема вастокс. Сяс тя тевть ланкс миндеенек эряви шарфтомс пяк оцю мяль.
20 це мортть самос колхоснень эзга фуражда аноклаф, али лиякс азомс фуражень аноклама планць пяшкотьф: грубай корматнечь коряс 87,8 проценц и концентрированнайхнень 62 проценц
Сяс фуражень анокламати эряви тяниок кярьмодемс большевиконь темпса, штоба тундань видема кампанияста сембе фуражсь улель анок 100 проценц. А сяс эряви тяниок сембе колхоснень эзга инь экономнайста йотафнемс фуражть, путомс ломань, конац ба кемоста ваноль сонь йотафнеманц мельгя.
Большевиконь колмоце тундань видема кампаниять колхозда башка аф эряви юкстамс башка сьора-видиень хозяйстватнень производственнай значенияснонга. Эряви тяфтажа кемоста ваномс, кода синь аноклайхть большевиконь колмоце тундати и лездомс теест тя тевса.
Эряви тя тевть ладямс станя, штоба башка сьора-видиень хозяйстватне афольхть кад фкавок ума апак видек, штоба синь йотафтолезь сембе нят агротехническай мероприятиятнень, конат арьсефт йотафтомс минь обласьцонок.
Аньцек тяфта тевть ладязь, аньцек большевиконь темпса работамать вельдя ули кода эсь пиньгова и цебярьста анокламс большевиконь колмоце тундати и тянь вельде пяшкодемс и вельф пяшкодемс видема плантт.
 |
| Саранскаень сьоронь совхозса анок- лайхть тундань видема кампанияти. Снимкаса: Ваноньцазь петьф трак- торть |
