Валда ян/1932/03/Капиталистонь масторхнень эса

From Wikisource
Jump to navigation Jump to search
Валда ян (1932), 3 №, Март ков edited by Бажанов Л. Е.
Капиталистонь масторхнень эса
Валда ян (Светлый путь). Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 3 №, Март ков, 1932 к. — с. 15
 
[]
Капиталистонь масторхнень эса
 

Япониясь сявонцы Шанхайть эсь кядь-алонза.

Кода корхтайхть Китаень газетатне кота тьожаньда лама япониянь воискада валксть Усун районтти.

„Чайна уикли ревью“ газетать кулянь пачфнеманзон коряс лисеньди, што япониянь командованиясь тиенцыень Усунонь форттнень и максси теест од, стака артилерия 20 сантиметрань (8 дюймань) орудиятне кучфт фронту Чанжу, Нансяна, Люхэ, Аньтина Цзядина райоттненди и лия васттненди. Китаень кулянь пачфнематнень коряс няеви, што японецне валхнесазь велосипецнон, химическай и санитарнай снаряженият. Валхнемась мольсь шинь и вень перьф, што Гаубицть бригаданц эса, конац кочкаф мекольдень пинкть эзда, сяда лама стака оружияда сят бригадатнень коряс, конат ульсть аф кунартонь бойхнень эса.

Улихть стама кепотькст, конат корхтайхть сянь колга, што врьгячнесть япониянь кораулхнень ланкс.

Японскай командованиясь мярькс китаень эряихненьди, што китаень эряйхнень эрь тяряфтомасна кармави ванондовма кода шавома мяль и сембе виноваттне улихть таргафт строгай наказанияс.

Япониянь вийскатне фудзяоса

Гоминтть агенствац азонцы, што Япониянь войскатне, коса 6 тьожатть солдатт мольсть фудзяо району (Лихять ззда севера западу). Японецне мярьгондихть китаецненди кепочнемс японскай флакт и вятемс торгово-промышленнай деятельносьцнон.

Сембе Сыньтан велеть (Лихэть эзда западу) ляцениязь японецне, бта сяс мес китаень велеряйхне керозь электричествань провотнень.

Пачфневихть кулят сянь колга, што пяк муцяйхть мирнай велеряйхнень эса.

Япониянь флоць ляць Шанхаю

Токио. 12/III, ТАСС. „Асахи" газетась азонцы, што морской штабсь ванонды планонц колмоце японскай флотть одукс пуроптоманц колга, конац кармай улема Шанхайса фкакс.

Ся кизефкссь, кода и коза арай морской пехотась Шанхаень районть эса — ули прокс вантф и кемокстаф мзярда сай Абесь японскай морской министерствать представителец Шанхайста.

Японскай самолетне врьгяцть Ханьчжоуть ланкс

Японскай самолетне одукс няфцть пря Ханьчжоуть вельксс. Самолетнень эзда нолдасть пулеметонь тол, конань эзда ранендафт лама китаец. Китаень зенитнай орудиятне кармасть ляцендема самолетнень ланкс, конат тянь сюненда меки лийфтасть Шанхаю

Састь Франциянь и Англиянь войскатне.

Кода азонцы „Юманитесь“, Шанхаю мартть 9 це шистонза сась ниньге фкя батальон французскай войскат Индо Китайста.

Ланкаширскай полкть батальоноц Бомбейста сась Шанхаю и кармайхть лездома Шотланскай королевскай войискатненди.

Сайхть, ардыхть...

Китаень официальнай и общественнай организациятне (банкирхне, университетне, миссионерхне) пяк вишкста аноклайхть пря Нациянь Лигать комиссиянц васьфтема, конац сай Шанхаю мартть 14-це шистонза.

Комиссиясь ащи Шанхайса фкя недяля, коста туй Нанкину, коза ся пинкти пуромихть сембе нанкинскай правительствань лидерхне.

Ван Кан генералсь пякстаф...

Ван Кан генералсь ульсь командывающай нанкинскай войскатнень 87 дивизиянц эса, конац пякстаф японецнень мархта „Асория“ гостиницаса, конанц васенда нолязь, а 14 пякстаф меки Цай Тинь-кайть приказонц коряс (конанц ащи командывающайкс 19 ие кантонскай армиять ланкса). Ван Кан генералть путнесазь виноватокс сянь колга, што сон сувась пелькс васц и мес мархтонза ульсть оцю, эрявикс военнай документ, конатнень фатязь японскай власттне. Чан Кай шись макссь согласия, штоба Ван Канть пякстамс, тя лиссь мес кемоста тянь аназя Цай Тин кайсь.

 
Морафты ялгат!

Тячиень номерть эзда сявомок „Валда Ян“ журнальсь ушоць лисендемя эрь ковти кафксть
Сяс эряськодда сьорматфтомс эсь лемозонтт „Валда Ян“ журнал апрель ковонди

 

Ответ. редакторось Л. Е. Бажанов.


Сдано в набор 1-го марта. Подписано к печати 17 марта. Вышел из печати 19 марта 1932 года.
Обллит № 43 Заказ № 568. Печатных листов 2 с четвертью лист. Тираж 1675 экз. г. Саранск тип. „Кр. Окт.“