Валда ян/1929/04/1 Майнь задачатне

From Wikisource
Jump to navigation Jump to search
Валда ян (1929), № 4 (8), Апрель ков edited by Шотин И. В.
1 Майнь задачатне
Валда ян. Эрьковонь общественно-политикань и веле-хозяйствань журнал. „Светлый путь“, ежемесячное приложение к газете „Од веле“. — № 4 (8), Апрель ков 1929 киз. — с. 3
[3]
ЖУРНАЛУ СЬОРМАТФ: 1 Майнь задачатне. Индияса кепоцть рабочахне. Калинин ялгать докладоц XVI сембесоюзонь парт-конференцияти.
Мокшерзянь округонь советонь 2 пуромксти — Вирень хозяйствась — Магнусов. Народнай образованияс — Басин
Велень хозяйствась Машфтомс сьоронь колахнань — Байшев. Наукась лезды велень хозяйствати. Известкованиять колга — М Маркстоптовихть-ли мокшонь и эрьзянь корхтаматне. Мокшерзятнень сире пингонь эряфснон тонафнемац.
Мокшонь кяльсь валсь — Мокшерзянь валвийсь — Черапкин. Тумоня — 3 Дорофеев. Газетась лезць и лият.
 

1 МАЙНЬ ЗАДАЧАТНЕ

Майста сембе масторонь пролетариац няфцы эсь виенц. Сембе марсторга ков ащезь кеподихть люпштаф наротне, ков киза тов вищкоми пролетариатть тюремац капиталть мархта.

Нинге кафта колма кизода инголе Комминтернць макссь задачат сембя лия масторонь компартиятненьди, конат сувафт Коминтернав вятемс эсь масторгаст работа, штоба лифтемс люпштаф нациятнень буржуазиять алда, тянь колга вятемс пропаганда рабочайхнень йоткса и армияса. Нят задачатне тиендевихть.

Западнай странань пролетариаць макссы кяденц, шиньстяма ширень борецненьди. Минь содасаськ, што буржуазиять мялец явоштомс СССР-нь рабочайхнень, лия масторонь рабочайхнень эзда. СССР-сь сембя масторонь эряйхнень ингольде няфтезе эсь виенц, эряфонь петема виде кинц, сяс сон и арась Западнай рабочайхненьди тевснон вятикс, и шиньстямань рабочайхненьди надияма вастокс. Тянь ланкс ваномок буржуазиясь пори пейхть и сяконь йорахть кода б‘ люпштамс СССР-ть и аноклай лонгознок война. Сеест эряви СССР-ть рынокоц, коза бы синь милезь эсь товарснон. Войнась можна азомс аноклаф, илядсь анцек ушодомс.

Сембя конференциятне, конань пуропнесть буржуазиясь Женеваса аф тюремать колга мезевок изесть тие. Келлогонь пактоц кагод ланкса станяк и илядсь.

Тянь колга Ленин ялгась корхнесь стане, што тяниень аф тюрема пингоньке аньцяк ваймама йотка и тейнек эряви кемокстамс союзть ареляманц и фкя секундга аф эряви тейнек юкснемс Якстерь армиять колга заботямась.

Войнати тейнек эряви улемс фалу анокста. Аф эряви надиямс, што минь максомя удар буржуазияти и синнь оду аф кармайхть тюремя.

Эряви вийяфтомс якстерь армиясь. 1-це майста сембя СССР-ть трудяй ломаненза азсазь: „Улеза шумбра Якстерь армиясь“!

1-це майста тейнек эряви няфтемс виеньке и тиемс рабочай сокай види ломатнень йоткса аф юкссеви кемя соткс.

Тя кемя соткссь рабочайть беднякть сред-мархта кемоксави фкя фкяньди лездозь.

Рабочайсь максы вели машинат, а велесь мисы рабочайти сьора.

Содаф, што йомла бедняцкай хозяйствась курок аф кеподи хоть и сеенза лездттома, а тейнек эряви велень хозяйстванеське кепедемс стане, штоба улель сатомшка сьора, улель сатомшка жувата. Промышленнай тевоньке тяни моли инголи вииста, а велень хозяйствась илядсь. Мекпяльдень колма киза квалмоста промышленнозсь товаронь питнеса кассь 50 проц. ламос, а велень хозяйствась 7 проц.—с.

Правительствась эсь ширденза макссь оцю лезкст бедняконь и средняконь хозяйстватненьди оцю лезкст коллектифненьди. Велень хозяйствась можна курок кеподемс аньцек марстонь вийса машина вельдя, колхознай хозействава пуромозь. К‘да суватама сембя коллективсто содаф, што курок кепоцаськ, сяс тейнек эряви 1-це майста фкя мяльса азомс: „Эряскадозь кеподемс велень хозяйствать!“

„Касфтомс сьоронь шачемать“!

Велень хозяйствась курок кеподи аньцек эста мзярда тоза ули максф сатомшка веленьхозяйствань машинат тракторхт и лия химическай паксянь удобреният, но нят лездоматне улихть тийфть мзярда кемокстави стака промышленностенке конац нолдай сатомшка машинат.

Планц коря аф пелезь сембя трудяйхненьди кярьлодемс марстонь тевти и азомс 1-це майста: „Сацайнек и йотасайнек“.

Марстонь мяльсь и виде ваймонь работась ащи сембя тевонь ушодксса надияма вастокс Социализмась кирди эсь потмосонза аф лувомшка оцю вий и тяфта корхнель Ленин ялгась пролетариатть виенц, работанц колга. Трудяй ломатне эста кармайхть тевса виде ваймоса работама мзярда кепеди культурнай шиньке эрямасонок. Нингя тя пингс лама аф сатыксоньке кудонь эряфса, мастонь работаса, эсь йотковань шабань и идень эряфса. Аф культурнай шиньке ули кода ошова стане и велева. Поповскай дурманць, винада симомась, кальдявста марстонь тевонь ланкс ваномась-сембя нят эряфонеськонь шоряфкссна сяс тейнек эряви 1-це майста лифтемс лозун: Машфтомс сьормаса аф содамать! Культурнай реаолюциять инкса! Долой попонь качамть! Долой винада симомать!