Валда ян/1928/01/Мокшаваськя араза масторнеськонь ареляйкс

Мокшаваськя араза масторнеськонь ареляйкс.

Мзярда аф мзярда, а буржуазиять мархта тейнек тюремс сави. Омба масторонь капиталистня аноклахть мезя вий.

Содаф тев: мингя аф штада кяттям и юкснемс тя ширеть аф эряви.

Ингольнек арьсекшневи стама война, коста тюрьма сави аф аньцек войскати, но сембя эряхненьди, сияк и аватьненьдингя.

Сяс авати эряви анокламс прянь ареляма тевти.

Ленин ялгась тяннь колга корхтась, што „пролетарски аватня аф кармахть станяк ванма, кода цебярьста вооруженнай буржуазиясь кармай ляценьдема кяльдявста, афтык апак вооруженнай рабочахнень ланкс. Сингя сявихть кядезост оружият“.

Аф эряви, аньцек тяста шаркодемс, што аватнень эзда эряви тиемс армия.

Авати эряви тонадомс военнай тевсь и к‘да аньцек эряви васца сявомс винтовка. Но тяда башка муви теенза тевдя.

Войнаса авась лама пользя максы разведкаса, связса, санитарнай отряда. Авати эряви маштомс арелямс эсь прянц.

Но тяда башка эряви мяляфтом ся ширесь, што авасть сави илядомс мирденц эземс, конац инголякия туй войнав. Теенза эряви маштомс вятемс хозяйствась — улемс содай ломанькс.

Лама может тиимс авась и агитаторонь тевса.

Коса тонафнемс авати военнай тевс?

Военнай тевти трудяй аватнень тонафнесыйнь Осоавиахимсь, коса сембоц членнда ащи 2 миллион.

Осоавиохимса улихть женскай секцият.

Лама — ни авада ащихть Осоавиохимса, но тейнек эряви сувафтомс нингя тяда лама, и сембонда пяк мокшаваста.

Якстерармиять 10 кизоц Москуса. Парад вайскатненьди — йотайхть церемониальнай маршса.