Бырӧдӧй кӧйдыс пиысь ужпинь!
| Бырӧдӧй кӧйдыс пиысь ужпинь! (1924) by |
| Гижан кад: 1924, Йӧзӧдан во: 1924. Ӧшмӧс: Югыд туй (1924-08-20) |
Сю пиысь ужпинь оз быр, он кӧ сійӧс бырӧд кӧйдыс пиысь. Ужпинь — яд. Сюрас кӧ сійӧ нянь пиӧ быд пудовня вылӧ пунт четверть (¼ ф.), сэки колӧ нин лыддьыны няньсӧ шогмытӧмӧн. Ужпиньсӧ торйӧн ньӧбасны аптекаӧ лекарство вылӧ.
Кӧйдыс колӧ весавны водзвыв машинаӧн, бӧрыннас ещӧ тадзи: босьтны паськыдджык шомӧс, позьӧ шайка, кисьтны сэтчӧ ведраӧн-джынйӧн ва, сэсся пуктыны сэтчӧ 15 пунт сов да ёна гудравны, мед став солыс сылас. Мӧд пельсаӧ колӧ кисьтны чистӧй ва. Сэсся босьтны пож, пуктыны сэтчӧ пунт 3−4 кӧйдыс да пожнас и лэдзны сола ва пиас, гудыртны — сэки ужпиньыс кыптас вылӧ, сӧмын курышт. Тайӧ колӧ вӧчны зэв чожа (ӧдйӧ), медым дыр сола ва пиын кӧйдысыс оз ов. Кӧйдыс перйӧм бӧрын выльысь сійӧс колӧ пожъявны мича ва пиын, бӧрыннас шонді водзын косьтыны. Пельсасьыс мича васӧ колӧ вежлавлыны быд 2−3 пуд кӧйдыс весалӧм бӧрын.
Н. Темноев.
|
This work is in the public domain in the United States but it may not be in other jurisdictions. See Copyright.
|