Безбородов М. И. Сочиненият 1-це томсь (1939)/Тефне маладсть

by Безбородов, Михаил Ильич

←Гайфнесаськ зорятнень

Сочиненият 1-це томсь  (1939)  by Безбородов, Михаил Ильич Тефне маладсть

Лоткак, варма→

Михаил Безбородов. Сочиненият, Васенце томсь. Мордовскяй государственнай издательствась. Саранск, 1939.

[ 67 ]

ТЕФНЕ МАЛАДСТЬ

Нинге сяда пяк
Кельгови велесь,
Нинге сяда пяк
Морамась сай,
Нинге сяда пяк
Одолгодсь венельсь,
Сяда аруста
Кожфкясь уфай.
‎Нинге сяда
‎Пяк кельгови
‎Эряфсь
‎И паксянь
‎Од эряфонь вийсь,
‎Конат тракторса
‎Межатнень
‎Веляфтсть,
‎Конат покамста
‎Пяярдихть ливсь.
Нятнень мархта
Мон кенярдезь молян,
Йоткстост морозти
Вайгяль муян,
И теест од
Моронень моран,
И теест
Од морай
Улян.

---