Page:Безбородов М. И. Сочиненият 1-це томсь (1939).djvu/72

From Wikisource
Jump to navigation Jump to search
This page has been proofread.

ТЕФНЕ МАЛАДСТЬ


Нинге сяда пяк
Кельгови велесь,
Нинге сяда пяк
Морамась сай,
Нинге сяда пяк
Одолгодсь венельсь,
Сяда аруста
Кожфкясь уфай.
Нинге сяда
Пяк кельгови
Эряфсь
И паксянь
Од эряфонь вийсь,
Конат тракторса
Межатнень
Веляфтсть,
Конат покамста
Пяярдихть ливсь.
Нятнень мархта
Мон кенярдезь молян,
Йоткстост морозти
Вайгяль муян,
И теест од
Моронень моран,
И теест
Од морай
Улян.



67