Безбородов М. И. Сочиненият 1-це томсь (1939)/Сьоксе

From Wikisource
Jump to navigation Jump to search
Сочиненият 1-це томсь  (1939)  by Безбородов, Михаил Ильич
Сьоксе
Михаил Безбородов. Сочиненият, Васенце томсь. Мордовскяй государственнай издательствась. Саранск, 1939.

[ 54 ]

СЬОКСЕ


Туцялгодсь менельсь,
Рдазгадсь кись,
Кувалгодсть ветне,
Нюрьхкалгодсь шись.
Галышкодсть шуфттне,
Лопасна прасть,
Сьоксень шитне
Начкоста састь.
Тяляйхть, видихть.
Тюжя лугась.
Якшама ширде
Кожфсь уфась.
Паксяста сьоротне
Кунара ни урядафт,
Колхозть переса
Капас марафт.
Лямбе ширети
Нармоттне лиихть,
Сьоксень якшамда
Долгафне пелихть.
Эняльди вайгяльсна
Маряви алу,
Лиихть ичкизи
Морятнень фталу.
Ляйське шовдалгодсь,

[ 55 ]

Шуди — увнай,
Курок эй алу
Сонга сувай.
Аньцек озипне
Сьоксети лядсть,
Пиземти шамаснон
Начфтомс кадсть.