Безбородов М. И. Сочиненият 1-це томсь (1939)/Велень сиде моронят

by Безбородов, Михаил Ильич

←Сьоксе

Сочиненият 1-це томсь  (1939)  by Безбородов, Михаил Ильич Велень сиде моронят

Тундась малаткшни→

Михаил Безбородов. Сочиненият, Васенце томсь. Мордовскяй государственнай издательствась. Саранск, 1939.

[ 56 ]

ВЕЛЕНЬ СИДЕ МОРОНЯТ

Ялгай, морак,
Монга моран,
Кайгиста иваттяма,
Сьорматфттама комсомолу,—
Меколи аф лядтама.
„Од Велети” сьормачнян,
Шовдать эса тапан.
Школаса тоняфнян,
Церькаву аф якан.
Сединязе ризфса
Палы,
Аф утцян мон
Вень-перьф.
Сяка мяльсон:
Лувомс книжка,
Содамс
Лама-лама тефт.
Йотаф кизотнень
Стирьнятне
Книгафтома
Пичедьме.
Тяни якатама
Школав,
Тоса Якстерь
Уженя.
Ляй трваса
Оцю панда,
Ланганза
Аф якават.
Комсомолец

[ 57 ]

Кельгомазе,
Мархтонза
Аф рахават!
Тяни миньге
Якатама
Школав, велеть
Тона пес.
Тоса, Якстерь уженяса,
Тонафнетям
Цебярь тевс.

---