ЗОРЯТ И МОРОТ
Лядыкс валдонц
Шись ни кяши...
Сардокс срафни
Якстерь суронзон,
Бта вярде
Фатямс веши...
Чипорякшни
Сельме кунонзон.
Тоса кепсесть
Якстерь кяльхне.
Туця пакшнень
Вадендсть краскаса.
Палозь — палы
Зорять мяштец,
Ацась ляйнять
Мази пракстаса.
Тракторсь учи,
Ванясь озась...
Кеме кядьса
Руленц шарфтозе.
— Кие, стирьнят,
Мархтон озай?
Айгорть лангса
Киень арфтолень?
— Настань, Настань!
Пшкядсть стирьхне,
Содазь, Ванясь
Киень вешендьсы.
Сон кунара
Мяленц лихнесь:
„Келькса Настать,
Афи кяшендьса”
Виздезь, пелезь
[ 114 ]
Настась озась,
„Трат-трат!...”
Тракторсь
Переть кадозе.
— Стирьнят, мора! —
Предколхозась
Кайги валса
Мяленц азозе.
Лиссь инголе
Карунь Агась:
— Моратама? —
Кизефтсь ялганзон.
„Эх, уш пакся-э-ня!...”
Морось таргавсь
Келес лапотьф
Паксять ланганза.
Молихть, морайхть.
Морот лама...
Валхнень эзда
Няевсь эряфсна,
Кона стака
Улендсь ламос...
Тяни срафтовсь
Ташта перяфокс.
Ульцять песта,
Гармонть коряс:
„Гармония морака...
Тили-тили,
Тили-тили
— Паколь апак колака,
Морак, морак, гармония,
Морак кефкие ладоса.
Другай — ялгай, коряванза
Вайгяльнеськонь ладясаськ.
Гармонть коряс йорятама
Кайги сиде моротнень.
Кайги вайгяль вийса эрьхтьсаськ
[ 115 ]
Трудти шорси нолатнень.
Нолась классонь врагти лезды.
Арси види ширень кядькс.
Кона ламоксть пеельхть лихнесь
Каршезонок шовда веть.
Кона лама шокшендсь верда.
Сяка мялец тянинге;
Фатясаськ синь пинень нярьда —
Йоткованк тя пинкнень, эзда.
Мзярда лакай марстонь тевсь.
Мзярда тевти тевське лезды
Марстонь, кеме эряфть лемс.
Лакайхть кяжса шовда вийхне.
Пейснон порихть попсь, кулаксь.
Инксост подкулачниксь лихни
Кяленц наксада нулакс.
Комсомолецне — минь няйсаськ,
Коза ускихть, коса лотксь.
Тяльмоса кулакнень тяйсаськ,
Кода классонь машфтсаськ прокс.
Вастозост панжема кармай,
Касы, кемоксни колхозсь...
Вийнеке минь налхки вармакс,
Аноктама коза повсь.
Морак, морак, гармония,
Морак кефки ладоса.
Минь ли, комсомолонь вийхне,
Марстоптф трудть аф ладясаськ.
Эх, лама сатнеме сатфкста,
Нинге лама саттама.
Сембе работатнень эзда
Васень вастть аф макстама.
Тили-тили
Тили-тили,
— Гармония, морака...”
Тяфта оттнень
[ 116 ]
Ульцять эзга
Лийкснесть
Сиде моросна.
|
|