Безбородов М. И. Сочиненият 1-це томсь (1939)/Матовсь кяжец/Веть

From Wikisource
Jump to navigation Jump to search
Сочиненият 1-це томсь / Матовсь кяжец  (1939)  by Безбородов, Михаил Ильич
5. Веть
Михаил Безбородов. Сочиненият, Васенце томсь. Мордовскяй государственнай издательствась. Саранск, 1939.
[ 118 ]

5.

ВЕТЬ


Ванясь нинге
Ашезь уда,
Мзярда боконц
Настась токазе.
— Ваня, Ваня,
Адя куду!
Тяса кельме,
Ливсю копозе...
Кода эськса
Ванять сялгозь —
Стане Настань
Самац эвфтезе.
Мзярда марса
Вастонц кадозь,
Кулять содамс
Курок вешезе.
— Азк, мезенкса,
Ласькоть тяза,
Мезень колга
Куду вятемайть?
— Кулхцонтт, Ваня,
Лама азан...
Тон илять вдь
Тячи няймайть?
— Мзярда куду
Тунь ульцяста,
Ванан, Лаврать
Паннефт вальманза.
„Тевть тийсак...
Улят уцяскав...”
Кулевсть кудста
Пинеть валонза.
Эста сяда

[ 119 ]

Малав шаштонь,
Вальманцты
Путыне пилезень.
„... Аш месть корхтамс...
Федот машты...
Няйсы колхозсь
Тячи виезень...”
„... Федот, няить
Тракторсь коса?..”
„Сарайть ала,
Омба переса...”
Тяфта корхтасть.
Попське тоса,
Пине лаца
Сембе иредьстят.”
Аделазе
Настась валонц,
Стакаста сон
Ваймонц таргазе.
Бта Ванять
Мархта сялондсь,
Стане кяжсь
Санонзон калгазень.
Кундась Ванясь
Настань кядьти,
Кемоста
Люпштазень
Суронзон.
— Учемс!
Сайхть синь
Пяле вети.
Керсаськ, керсаськ
Лаврать унксонзон.