Безбородов М. И. Сочиненият 1-це томсь (1939)/Матовсь кяжец/А-ух-эх

From Wikisource
Jump to navigation Jump to search
Сочиненият 1-це томсь / Матовсь кяжец  (1939)  by Безбородов, Михаил Ильич
6. А-ух!-эх...
Михаил Безбородов. Сочиненият, Васенце томсь. Мордовскяй государственнай издательствась. Саранск, 1939.
[ 120 ]

6.

А-УХ!-ЭХ...


Равжа цильфокс
Молихть мельцек
Кафта ломатть
Переть ширенцты,
Мзярда пачкодсть,
Арасть серьцек,
Фкясь корхтазевсь
Тонань пиленцты:
„Молят тоза,
Коса капась...
Капать ваксса
Оцю сарайти.
Валсак газса
Коське лапазть,
Тоса спичка
Тонгат капати...”
Равжа пулфокс
Перяфть ланга,
Йордазь пряснон
Тинге перети...
„Трактор, ванды
Тон аф рангат...”
Кулевсь ванфты
Настать пиленцты.
Кода катось
Ванфтсы шеерть,
Стане Настась
Ваны шовдати.
„Кали пожарсь
Архцы менельть?”
Корхтась седиц
Кельме модати.
Ваны, цяткокс

[ 121 ]

Сенем толнясь
Сарайть ваксста
Шовдать лазозе.
— Кие тяса?!
Ивадсь Колясь. —
Кие газса
Лапазть валозе?!.
— Сема, Ваня,
Петя, Наста!
Сембе тяза...
Тяза эрязда!
— Йордак пеельть!
Сема, кафта...
Ваня, кафта
Тяса пялязда.
У-ух! Эх!
— А-а-а! Инекуй!
— Фталу кяттнень!
— Дайте вожьят...
— Оцю гривась?!
— Аф туй, аф туй.
— Повоть, „сетьме”.
Мокшень божине!
— Панжесть утомть...
— Мезе учтада?
— Марш утому,
Верда копоряйхть...
. . . . . . . . .
Виреть фталда,
Якстерь панаркс,
Штафнесь — штафнесь
Зорясь копоренц.


Рыбкина, 1930 киз.