Безбородов М. И. Сочиненият 1-це томсь (1939)/Колма пинкт, или колма морот/Васенце валть эземс

From Wikisource
Jump to navigation Jump to search
Сочиненият 1-це томсь / Колма пинкт, или колма морот  (1939)  by Безбородов, Михаил Ильич
Васенце валть эземс
Михаил Безбородов. Сочиненият, Васенце томсь. Мордовскяй государственнай издательствась. Саранск, 1939.

[ 122 ]

ВАСЕНЦЕ ВАЛТЬ ЭЗЕМС


Ляй велесь оцю,
Ульцянза келихть,
Кафта церькунза
Оцюфт и серихть.
Колма сядот куд
Велеть эсонза,
Шуфтонь школане
Ащи песонза.
Тьожяньда лама
Ломань ваймонза;
Келихть паксянза,
Келихть ламйонза;
Аньцек паксятне
Салаюф баярть —
Сокайхнень кядьста
Эряфонь салайть.
Ляй велеряйхнень
Шуфтонь куднясна,
Лоскодса паннефт
Колсеф вальмасна.
Тунда аф эряй
Ярхцамс кшинясна,
Якамс аф сатни

[ 123 ]

Пильге вийнясна.
Вай, лиякс эряй
Салаюф баярсь —
Ашуфнень ланга
Стака шинь марайсь.
Картада ровнат
Баярть паксянза,
Пефтомот сире
Сери виренза.
Кели лаймова
Шуди оцю ляй,
Тя ляйть ширеса
Салаюф эряй.
Баяронь пизось
Кяжи слава кандсь;
Аф стак Ляй велесь
Авардсь — урокодсь.
Сембе велетне
Поксесть пялонза, —
Вай, лама эряй
Баярть тевонза:
Сокама, нума,
Тише лядема,
Вирьса сьоксенда
Пенгянь керома.
Пяле питнеда
Поксесть пинети,
Вай, апак покодть
Сими-ярхцайти.
Мзярда питненкса
Молихть пялонза,
Тяфта корхтама
Маряйхть ширденза:
„Тонь, цьора, траксце
Кафта шит якась
Паксянень ланга —
Сьорозень тапась.

[ 124 ]

Тага аваце
Вирезон якась,
Кафта кептернят
Апьенка кочкась.
А тонь аляце,
Цьора, токама:
Якась паксязон
Пулфонь салама.
Эй, Михей Сытич!
Штрафонь книгатнень...
Нолдамс эрявихть
Веши ломаттне.”
Ашусь нолдсы прянц,
Лажназь куду туй,
Эх! коста тяни
Ярмак кшинди муй?