Видиян, сокаян,
Мокшень цьоран,
Эсь мокшень кяльса - валса
Морот моран.
Моран паксяти,
Моран вирьхненди,
Моран морот цьоратненди,
Моран стирьхненди.
Моран кельгомга —
Седи вакскава,
Катк лийксни морозе
Вирьга, паксява.
Касонь велети,
Эрянь велеса,
Работакшнень паксяса,
Тинге переса.
Вачеда ащекшнень
Войнань кизотнень,
Эстонь пинге сюдыне
Козянь пизотнень.
Эстонь пингоне
Лядонь аляда,
Пяшксель куднеке
Йомбла шабада.
Од Эряфса тумонякс касонь мон,
Тяни видиян,
Тяни сокаян,
Эсь мокшень кяльса-валса
Моронь мораян.