Семань кудса
Ашуфне пуромфт,
Оцю тев ланга
Келесост корхтайхть.
Синь оцю думсна:
Од кочкаматне, —
Тянь колга корхтайхть
Ашу ломаттне.
Арьсесазь марса,
Кода козятнень
Панемс советста,
Да марстонь тевста.
Корхтазеви фкясь,
Сембе кулхцондыхть,
Кода аф корхтайхть —
Фкя ки мушендыхть.
— Панемат, ялгат,
Велень советста:
Тевонь колайхне,
Паршинь салайхне,
Да веронь потяй
Шкаень кельгихне,
Апак трудендак
Кшида ярхцайхне.
Тяфта путозе
Ашувонь пуромкссь,
Тяфта дружнаста
Оцю тевс пуромсть.
Вов тяфта, ялгат,
Сембе тиеда,
Кулакть унксонзон
Керозь керода.
Эста валдоми
Тинь эряфоньте,
Эста ванови
Марстонь паршиньте.