Безбородов М. И. Сочиненият 1-це томсь (1939)/Тунда

by Безбородов, Михаил Ильич

←Луга лангса

Сочиненият 1-це томсь  (1939)  by Безбородов, Михаил Ильич Тунда

Сьоксе→

Михаил Безбородов. Сочиненият, Васенце томсь. Мордовскяй государственнай издательствась. Саранск, 1939.

[ 52 ]

ТУНДА

Йотась тялось,
Тундась сась.
Ванды ули
Мази майсь.
Сембе нармоттне
Састь меки,
Конат тушендсть
Лямбе крайс.
Шудихть веттне
Ляйхнень эзга.
Курок коськи
Паксянь кись,
Лядыкс лофнень
Модать лангста
Нардасыне
Тундань шись.
Пизи тундань
Сетьме пиземсь.
Карьксокс вярьде
Алу прай.
Лугать ланга
Келемсь пижесь,
Шинь кунчкаста
Кожфсь уфай.
Вирьга, садга
Шуфттне панжихть,
Колхозсь сокама
Кундась;
Панчфста мешкятне
Медь кандыхть,

[ 53 ]

Сембонди максь
Тев тундась.
Паксяв ванат —
Мяльце касы:
Колхозсь сокай
Тракторса,
Сембе сокаф
Модать валсы
Кедю ароптф
Сьороса.

---