Игътибар! Анонс искерде!
Киләсе адрес буенча яңа бит төзәргә кирәк: Башбит/Анонслар/2020/48.
Гөнаһ
Кем яраткан? Кем чыгарган? И «гөнаһ» ләфзы, сине;
Мәгънәсезсең, сеңдералмый саф гакыл һәзмы сине!
Син кирәксез бер ләфызсың, син кабахәт, син оят;
Безгә артык бер йөгәнсең, бел: сиңа дошман хәят!
Аз гына инсан торырга уйласа хөр, шат булып,
Әллә кайдан син төшәсең, шатлыгына тап булып.
Алдыйсың; алмаштырасың; син тыгызлыйсың тыеп;
Син изәсең дә итәсең хөр җиһан күңлен боек.
|
|
…шулай ук Тукайның бүтән әсәрләрен карагыз.
