Васенцэ аськолкс (1925)/Аксяла шэйтан
| ←Кафта кива (Колма лисемаса) | Васенцэ аськолкс. Мокшонь пьессат, эрзянь кэльста ётафтозень И. Бондяков. (1925) , translated by Бондяков, Иван Яковлевич Аксяла шэйтан (фкэ лисемаса) |
Мэненць — танга повсь (Фкэ лисемаса)→ |
| Васенцэ аськолкс. Мокшонь пьессат. Эрзэнь кэльста ётафтозень И. Бондяков. — Москва: Центральное издательство народов СССР, 1925. — с. 39—46 |
[ 39 ]
| Аксяла шэйтан. |
| (ФКЭ ЛИСӖМАСА). |
| Наԕкси ломатнэ. |
| Ёндо̆ло̆нь Гаразь — сокай-инзай алэ, беднай аф однэ.
Марэ — авац. Сёмань Просась — сирэ стӗрь, манашка. Сусед ава — сери, эчкэ ава. Поле-баба — сяка велень бабанэ, алнэнэ, осалнэ. Каԗтафкшу.
Пижэ Федэ-атэ — аф оцю атэнэ, акша сакал, шуванэ вайгэль-нэ. Кэцо̆нза эстӗденза сери байдек. Кафта алят, кафто̆шка-колмо̆шка идьмор. Тевсь Ёндолонь Гаразть куца, велэ песа. |
| Аксяла шэйтан. |
| (Фкэ лисемаса). |
(Ёндоло̆нь Гаразть куц пуромсть ават,—учихть попть ды̆ дьяко̆нтть эса. Инксо̆ст тусь Ёндоло̆нь Гаразсь—малебо̆нь кэцто̆ст служо̆ндафты: шэйтантть аксялда айдяфцы.
Аватнэ озсӗфт эзӗпнень лангс. Моркш ваксса озада ащи сире стӗрь—манашка—сёмань Просась. Сусед авасна ащи бокса. Цюлантть ваксса—Ёндоло̆нь Гаразерэсь, Марэ, од руцяса, акша щамса. Моркшссь веԕьтяф скатӗрьса, лангсо̆нза кшэ).
Марэ. Исяк илэть марэськ, во лацкас Марявсь. Бы̆та аксяла кулевсь. Кармась Гаразсь ванндо̆ма аксялу — косо̆нга мезево̆к аф нэйви. Лоткась Гарась ванндо̆мо̆да — танга аксяла мезэ бы̆ди кармась рохнама Во рохнай, во рохнай — ди сяка. То тоса вона, шкай ужо̆ть эса, то танга цюлантть маласа уйфти. Ды̆ стама страшнаста, стама страшнаста, и... и... Сеньчкава минь эво̆дьмэ, сеньчкава... А сяда мелэ — рохась, рохась — ди кы̆да тарозӗви сембэ кияксо̆неськэ. Доскатнэ кепсихть, сембэ киякссь тары, куд стенатнэ — во месть тиендихть (кэцо̆нза нэфнесыень, кода куд стенатнэ тарыхть). Мон пе-елян... (Сембэ пелӗзь ваныхть аксялу, дивандахть).
[ 44 ]Сусед авась. Сяс исяк минь атэсь сувась веть калдазста куду, ди коԗтай: «Мес бы̆ди пинетнэ пэк увахть — тэ аф парс».
Марэ. Пинетнэ вы̆дь стама тевс пэк марэхть. Госпо̆ди, мес тэ напастиесь анцяк тейнек, мезӗнь ково̆лга? Пэк ни грешнахтяма. Сяка анцяк и кулят: аш шкай, аш сэ, аш тона...
Семань Просась. Тяфтама тевса лезды анцяк малебонць. Светой ведняса ужо̆тнень анцяк пы̆рксемс, во тэ напастьесь и ётай. Анцяк малитфаса панӗви тэ напастьесь, анцяк малитфада шэйтанц пели. (Сувай Поле-баба. Дивиндазь ваны сембо̆нь лангс).
Поле-баба. Шумбратад-эрятад! Марэ, мезэ тяфта учтад, ванан аф стак тяфта нарежать? Чей цёлак мезевок изь тив? Гаразсь шумбра? (Озай эзӗми).
Марэ. Мезэ, Полякай, тейнек тиевсь оцю пэк горэсь, пэк ванат грешнахтяма.
Поле-баба. Ох, авакай, мезэ станэ?
Марэ. Мезэ... Омбоцэ шись-ни маряви, Полякай, куцоно̆к тува рохай. Во рохай, ди сяка. Пряма ащемс пелькс. Гаразӗнь кучие попо̆нкса — малебонь служондафттама. Светой ведьняса пы̆рксефцаськ кутть. Тэ, Полякай, аф парс.
Поле-баба. Осподи суксу христе, мезэ станэ? А кунара?
Марэ. Ды̆, исяк илэть уйфць.
Поле-баба. Эрэй, Марэй, эрэхть стама чудат. Вона, Маниень Стяпуть куца мезэ бы̆ди марьсӗвсь. Тинь-ба Прамань Васеть тертфтӗлӗсть. Сон, торай, пэк машты [ 45 ]вы̆ражиндама. Сон, лоткафтоԕьцэ-ба тэнь. А тэ лютӗндай тяфта шэйтанць. Кие-ы̆на соньдедо̆нза башка. Прамань Васесь...
Манашка Просась. Аф Прамань Васесь, тяса аньцяк лездыхть малитфатнэ ды̆ светой ведняса пы̆рксемась. Шэйтанць анцяк шкаень валда пели.
Сусед авась. (Ваны цюлану, ивади). Марякай, цюлан киякссь шеԗьки! (Сембэ амбаскадыхть, эво̆дихть).
Манашка Просась. (Ты̆рнаты). Осподи суси христе, микола угоднӗк, арелямасть, сохрани. (Аксяла кульви — тува рохай. Аватнэ аф пара вайгельса ивадихть и сембэ марса кено̆рдахть лисема. Кеньчкс лангса грудявсть сембэ марс, прашенцть масто̆ру, и аф стэхть).
Марэ. Осподи суси христе, пантелей мученик.
(Тэ времать сувахть попсь, дьяко̆нць а мельгаст сувай Ёндоло̆нь Гаразсь).
Попсь. Что такое, что случилось?
(Аватнэ стякшнихть кияксста, синць зы̆рнатыхть).
Манашка Проса. Пряма напасть, бачка, сама слышел... Толька он сичас хрюкал, полто дражил.
Попсь. Ничего, ничего, обойдется с господом богом.
Дьяконсь. Не убойтесь, яко с вами бог, да изыдет сатана из дома сего.
Гарась. Ты, бачка, кода следово̆т уш, светой воды-то не жалей, тэ беда, юмамэ.
(Сембэ молихть моркшть тейс, попсь сы̆ԗкай служы̆ндама).
[ 46 ]Попсь. Благословен бох наш, всегда ныне и присно и во...
Дьяконсь. Ааамин... (Аксяла кармась хрюкама туво̆сь).
Сусед авась. Бачка, бачка спаси нас. Микола угоднек. (Цюлан тейса кармасть шеԗько̆ма киякс доскатне).
Попсь. Здесь злой дух. Уйдем, сейчас нельзя. (Сембэ эрэзаста тухть кенчксти).
Гарась. Бачка, крестом его, крестом, ату лиси. Осподи суси христе, да воскреснет бох.
(Сембэ тухть лисема. Кеньчкс лангса васӗдихть Пижэ Федэ-атэнь маԗта. Сон сувай куду. Маԗтонза нингэ кафта алят).
Пижэ Федэ-атэ. Здорова! Здоров, бачка! ы̆ли болеет кто?
Попсь. Да, Федор, несчастье у Герасима, напасть на него.
Федэ-атэ. Грешны мы бачка. А вот у меня пропала свинья-та. Гарась, тонь калдазо̆зт туво̆зэ изь сувсе? Саразо̆нь Фомась нэезэ. Торай, тонь калдазо̆зт сувась.
Гарась. (Лакшто̆дезэ кэдь лапшса эсь конянц). Ды̆, бачка, ведь это свинья-та, его свинья хрюкал. Исяк шить аксялда тарксемэ модмаԗть. Кудть кадо̆ндо̆ськ апак сёлк. Сон, ванат, сувась ды̆ прась аксялу. А минь апак варжак сёлго̆ськ аксялть, туво̆ть-кэ тоза сёлго̆ськ.
Марэ. (Кенэндезь). Ах, машто̆мась сэвса! Мзяра шумда тись...
Занавес.