Üna veglia chanzun

by Gian Fadri Caderas

←Larmas innozaintas

Fluors alpinas  (1883)  by Gian Fadri Caderas Üna veglia chanzun

Il chapé da Gessler→

[ 11 ]

Üna veglia chanzun.

»Liebchen lass' dich küssen!«
Chauntast tü gugent;
Ais quetaunt per quaida,
U be pled al vent?

Que nun se, ma bella,
Be at dir m'ais cher,
Cha ta buoch' ais rösa
Degna da bütscher!

Tü dist: Bütschs con barba
Pfui! nun am eau brich!
Quels dimena sainza
Amast forsa fich?

[ 12 ]

Pcho cha eau non saja
D'ogni pail privo!
Tres ün bütsch füss, forsa,
Co e lo beo.

»Liebchen, lass' dich küssen!«
Eau supplich vers te!
Restast forsa suorda
Ad arröv usche?

24 Favrer 18..