おもろさうし/第三
きこゑ大ぎみがなしおもろ御さうし 天啓三年癸亥三月七日 第三
あおりやへが節[edit]
3-88（1）
一聞得大君ぎや／おぼつ吉日 取りよわす／首里杜 降れわちへ／按司添いしよ 君 添わて／おぼつ世わ みおやせ／又鳴響む精高子が／神座吉日 取りよわす／真玉杜 降れわちへ／按司添いしよ 君 添わて／おぼつ世わ みおやせ／又搔い撫で大ころ達／そのいしやうぎ 実に あて／あた添いに 依り降れて／按司添いしよ 君 添わて／おぼつ世わ みおやせ／又げらゑ真ころ達／いせ誇り だに あて／から添いに 憑き降れて／按司添いしよ 君 添わて／おぼつ世わ みおやせ／又年 三年 いくます／十声 間近さ／いけな君 降ろちゑ／按司添いしよ 君 添わて／おぼつ世わ みおやせ／又吉日 四年 させわす／御事 真早さ／成り人神 降ろちゑ／按司添いしよ 君 添わて／おぼつ世わ みおやせ／又赤口が 依い憑き／按司添いぎや ゑりちよ／たりろてゝ させわちゑ／按司添いしよ 君 添わて／おぼつ世わ みおやせ
一きこゑ大きみきや／おほつゑか とりよわす／首里もり おれわちへ／あちおそいしよ きみ そわて／おほつ世は みおやせ／又とよむせたかこか／かくらゑか とりよわす／またまもり おれわちへ／あちおそいしよ きみ そわて／おほつ世わ みおやせ／又かいなて大ころた／そのいしやうき けに あて／あたおそいに よりおれて／あちおそいしよ きみ そわて／おほつ世わ みおやせ／又けらまころた／いせほこり たに あて／からおそいに つきおれて／あちおそいしよ きみ そわて／おほつ世わ みおやせ／又年 みとせ いくます／とこゑ まちかさ／いけな君 おろちゑ／あちおそいしよ きみ そわて／おほつ世わ みおやせ／又ゑか 世とせ させわす／御事 まはやさ／なりきよかみ おろちゑ／あちおそいしよ きみ そわて／おほつ世わ みおやせ／又あかくちか ゆいつき／あちおそいきや ゑりちよ／たりろてゝ させわちゑ／あちおそいしよ きみ そわて／おほつ世わ みおやせ
あおりやへが節[edit]
3-89（2）
一首里大君ぎや／此の吉日の 依り降れや／末にぎやめ／真強く ちよわれ／又鳴響む国添いぎや／此のきらの 憑き降れや／末にぎやめ／又按司添いぢよ／肝 栄ゑて 遊で／末にぎやめ／真強く／又貴み人ど／肝 栄ゑて 遊で／末にぎやめ／又見物清ら 煽らちゑ／おぼつ嶽 行きて／末にぎやめ／又国栄い 押し立て／神座杜 響ちへ／末にぎやめ／又大君に よ治られ／てるかはに 宣立てれ／末にぎやめ／真強く ちよわれ
一首里大きみきや／このゑかの よりおれや／すゑにきやめ／まちよく ちよわれ／又とよむ国おそいきや／このきらの つきおれや／すゑにきやめ／又あちおそいちよ／あよ はゑて あすて／すゑにきやめ／まちよく／又たゝみきよと／きむ はゑて あすて／すゑにきやめ／又み物きよら あおらちゑ／おほつたけ よきて／すゑにきやめ／又国ふさい おしたて／かくらもり ひゞちへ／すゑにきやめ／又大きみに よしられ／てるかはに のたてれ／すゑにきやめ／まちよく ちよわれ
あおりやへが節[edit]
3-90（3）
一聞ゑ宣の君ぎや／末 尋めて 降れわちへ／今からど／降れ直ちへ 遊ぶ／又鳴響む国鳴響み／真末 願て 降れわちへ／今からど／又首里杜 ちよわる／英祖にや末按司添い／今からど／又首里杜 ちよわる／てだが真末浮雲／今からど／又年 七年／おぼつ嶽 置きつめ／今からど／又吉日 八年／首里杜 間遠さ／今からど／又てるかはが 御差し／さしふ 降れ直ちへ／今からど／降れ直ちへ 遊ぶ
一きこゑせのきみきや／すゑ とめて おれわちへ／いみやからと／おれなおちへ あすふ／又とよむくにとよみ／ませ ねかて おれわちへ／いみやからと／又首里もり ちよわる／ゑそにやすゑあちおそい／いみやからと／又またまもり ちよわる／てたかませうきゆくも／いみやからと／又とし 七と／おほつたけ おきつめ／いみやからと／又ゑか 八とせ／しよりもり まとおさ／いみやからと／又てるかはか うさし／さしふ おれなおちへ／いみやからと／おれなおちへ あすふ
かぐらとよでが節[edit]
3-91（3）
一聞得大君ぎや／鳴響む精高子が／君々しよ よ治れ／又いせゑけり按司添い／吾が搔い撫で貴み人／君々しよ よ治れ／又大ころ達 おより／群り合ゑ子達 おなおさ／君々しよ よ治れ／又あけ珍ら 煽らちゑ／天降り清ら 押し立て／又首里杜親のろ／なよ笠の親のろ／君々しよ／又真壁杜親のろ／御宣り人の親のろ／又西杜の親のろ／鈴鳴りの親のろ／又平良杜親のろ／御宣り人の親のろ／又みよちよのの神清ら／神にしやの孵で清ら／君々しよ／又京の内杜ぐすく／威部の祈り しよわちへ／又石子は おり上げて／板門 げらへわちへ／又園比屋武は 金比屋武は／司祈り しよわちへ／又真石子は 積み上げて／金門 立て直ちへ／又おぼつより 帰て／京の内に 戻て／君々しよ／又てるかはわ 照り居り／てるしのは 押し居り／君々しよ よ治れ
一きこゑ大きみきや／とよむせたかこか／きみ〳〵しよ よしれ／又いせゑけりあちおそい／あかかいなてたゝみきよ／きみ〳〵しよ よしれ／又大ころた おより／もりやゑこた おなおさ／きみ〳〵しよ よしれ／又あけめつら あおらちゑ／てよりきよら おしたて／又首里もりおやのろ／なよかさのおやのろ／きみ〳〵しよ／又まかひもりおやのろ／みちゑりきよのおやのろ／又にしもりのおやのろ／すつなりのおやのろ／又たいらもりおやのろ／みちゑりきよのおやのろ／又みよちよののかみきよら／かみにしやのそてきよら／きみ〳〵しよ／又きやのうちもりくすく／いへのいのり しよわちへ／又そのひやふは かなひやふは／つかさいのり しよわちへ／又ましらこは つみあけて／かなちや たてなおちへ／又おほつより かゑて／きよのうちに もとて／きみきみしよ／又てるかはわ てりより／てるしのは おしより／きみ〳〵しよ 世しれ
きみのつぢが節[edit]
3-92（4）
一聞ゑ君加那志／厳子島 依り降れて／成さい人思い按司添い／眼 寄り交わちゑ／愛しやど 立ち居る／又鳴響む君加那志／此の御島 憑き降れて／成さい人思い按司添い／又御肝内に よ治らす／大君に 撓よわ／成さい人思い按司添い／又肝が内に 覚ゑす／精高子に 撓よわ／成さい人思い按司添い／又大ころ達 見守てす／おぼつより 帰れ／成さい人思い按司添い／又群り合ゑ子達 贖なてす／神座より 帰れ／成さい人思い按司添い／又てるかはが てるしのが／照り居る様に／御肝 生まれわちゑ／成さい人思い按司添い／眼 寄り交わちへ／愛しやど 立ち居る
一きこゑ大きみきや／とよむせたかこか／きみ〳〵しよ よしれ／又いせゑけりあちおそい／あかかいなてたゝみきよ／きみ〳〵しよ よしれ／又大ころた おより／もりやゑこた おなおさ／きみ〳〵しよ よしれ／又あけめつら あおらちゑ／てよりきよら おしたて／又首里もりおやのろ／なよかさのおやのろ／きみ〳〵しよ／又まかひもりおやのろ／みちゑりきよのおやのろ／又にしもりのおやのろ／すつなりのおやのろ／又たいらもりおやのろ／又みよちよののかみきよら／かみにしやのそてきよら／きみ〳〵しよ／又きやのうちもりくすく／いへのいのり しよわちへ／又いしらこは おりあけて／いちやちや けらへわちへ／又そのひやふは かなひやふは／つかさいのり しよわちへ／又ましらこは つみあけて／かなちや たてなおちへ／又おほつより かゑて／けよのうちに もとて／きみきみしよ／又てるかはわ てりより／てるしのは おしより／きみ〳〵しよ 世しれ
しより大きみが節[edit]
3-93（5）
一聞得大君ぎや／鳴響む精高子が／按司添いしよ よ治れ／又島討ち吉日 取りよわちへ／世添い吉日 取りよわちへ／又精軍せぢ 降ろちへ／又百歳せぢ 降ろちへ／又げらへ大ころ達／搔い撫で真ころ達／按司添い／又肝が内や 真強く あれ／肝 強く 真だに あれ／又君々しよ 守れ／主主しよ 守れ／又大和島厳子／前坊主のくはら／又肝が内は 迷わちへ／肝が内は 迷わちへ／又組む手 寄い倒ちへ／あたす 寄い倒ちへ／又沖膾 しめて／へた膾 しめて／又大和島ぎやめむ／山城国ぎやめむ／又糸 渡ちへ 掛けわれ／縄 渡ちへ 掛けわれ／首里杜 かなて／真玉杜 かなて／又厳子 祈られて／くはら 誇られて／又聞得大君ぎや／てるかはに 知られゝ
一きこゑきみかなし／いつこしま よりおれて／なさいきよもいあんしおそい／あまこ よりかわちゑ／まなしやと たちよる／又とよむきみかなし／このみしま つきおれて／なさいきよもいあちおそい／又おきもうちに よしらす／大きみに しなよわ／なさいきよもいあちおそい／又あよかうちに おほゑす／せたかこに しなよわ／なさいきよもいあちおそい／又あよかうちに おほゑす／せたかこに しなよわ／なさいきよもいあちおそい／又大ころた みまふてす／おほつより かゑれ／なさいきよもいあちおそい／又もりやゑこた あかなてす／かくらより かゑれ／なさいきよもいあちおそい／又てるかはか てるしのか／てりよるやに／おきむ うまれわちゑ／なさいきよもいあちおそい・あままこ よりかわちへ／まなしやちと たちよる
かぐらとよでが節[edit]
3-94（6）
一聞得大君ぎや／鳴響む精高子が／珍しや 実に 有居る／又さしふ 降れ栄て／むつき 降れ直ちへ／又成さい人思い按司添い／吾が搔い撫で貴み人／又精軍発ち しよわてゝ／精百発ち しよわてゝ／又大君は 宣立てゝ／精高子は 祈て／又天にいしややこさに／天の愛しやにしよ／又およりとて 降れわちへ／おなおさとて 降れわちへ／又眼 合わちへ 珍らしや／御顔 合わちへ 珍らしや／又如何る首里杜が／如何る真玉杜が／又君に いしやまれて／主に 好まれて／［又］按司添いが 掛け成し／貴み人が 持ち成し／又おぼつてゝ 想ぜて／神座てゝ 想ぜて／又赤口が 依い憑き／ぜるまゝが 依い憑き
一きこゑ大きみきや／とよむせたかこか／めつらしや けに あよる／又さしふ おれほさて／むつき おれなおちへ／又なさいきよもいあんしおそい／あかかいなてたゝみきよ／又せこさたち しよわてゝ／せひやこたち しよわてゝ／又大きみは のたてゝ／せたかこは いのて／又あまにいしややこさに／あまのまなしやにしよ／又およりとて おれわちへ／おなおさとて おれわちへ／又あまこ あわちへ めつらしや／みきやう あわちへ めつらしや／又いきやるしよりもりか／いきやるまたまもりか／又きみに いしやまれて／ぬしに このまれて／〔又〕あんしおそいか かけなし／たゝみきよか もちなし／又おほつてゝ さうせて／かくらてゝ さうせて／又あかくちやか よいつき／せるまゝか よいつき
かぐらとよでが節[edit]
3-95（7）
一聞得大君ぎや／鳴響む精高子が／御島 祈られゝ／又首里杜 ちよわる／真玉杜 ちよわれ／又成さい人思い按司添い／吾が掻撫で按司添い／又大君よ いきよて／精高子よ いきよて／又ゑそこ名 乞よわちへ／み御船名 乞よわちへ／又天のそこらしやに／天の真嬉しやに／又世引き富 押し浮けて／せぢ新富 押し浮けて／又世付き富 押し浮けて／雲子富 押し浮けて／又歓へ冨 押し浮けて／押し明け冨 押し浮けて／又嶽々に 祈て／杜杜よ 祈て／又煽りや 取りよわ遣り／天降りや 取りよわ遣り／又ゑそこ数 付けわちへ／み御船数 付けわちへ／又荒ん 和やけて／青波よ 凪やちへ／又押し浮け数 見守り／刳り浮け数 見守り／又君々しよ ゆ治らめ／主々しよ よ治らめ
一きこゑ大きみきや／とよむせたかこか／みしま いのられゝ／又しよりもり ちよわる／またまもり ちよわれ／又なさいきよもいあんしおそい／又大きみよ いきよて／せたかこよ いきよて／又ゑそこな こよわちへ／みおねな こよわちへ／又あまのしこらしやに／あまのまうれしやに／又世ひきとみ おしうけて／せちあらとみ おしうけて／又世つきとみ おしうけて／くもことみ おしうけて／又あまへとみ おしうけて／おしあけとみ おしうけて／又たけたけに いのて／もりもりよ いのて／又あおりや とりよわやり／ておりや とりよわやり／又ゑそこかす つけわちへ／みおねかす つけわちへ／又そさん なこやけて／あおなみよ とゝやちへ／又おしうけかす みまふり／くりうけかす みまふり／又きみきみしよ ゆしらめ／ぬしぬししよ よしらめ
かぐら節[edit]
3-96（8）
一聞得大君ぎや／大和 頼り為ちへ／厳子 嘆かすな／又鳴響む精高子が／山城 衆生に為ちへ／又吾が搔い撫で按司添い／精軍 発てわ遣り／又吾が守る貴み人／精百 発てわ遣り／又あまみやから 沖縄／嶽てゝは 思はな／又しねりやから 御島／杜てゝは 思はな／又寄り上げ杜 居遣り／あよなめさ 実に あて／又金杜 居遣り／ことなめさ 撥ねて／又はから 引き立てゝ／慌てゝよ 為ちやる／又真境名よ 押し上げて／塚てゝよ 為ちやる／又赤らせぢ 降るちへ／前坊主よ 迷わちへ／又ひぢゑるせぢ 降るちへ／おが衆生よ 汚ちへ／又風の根も 凪り直ちへ／久米の島 押し合わちへ／又荒の根も 直ちへ／金の島 引き合わちへ／又久米の君南風に／御言 遣りよわ遣り／又金の島 のろ〳〵／ぜるまゝは 祈て／又てるかはが 押し合わし／てるしのが 持ち成し
一きこゑ大きみきや／やまと たよりなちへ／いつこ なけかすな／又とよむせたかこか／やしる しちやになちへ／又あかかいなてあちおそい／せくさ たてわやり／又あかまふるたゝみきよ／せひやく たてわやり／又あまみやから おきなわ／たけてゝは おもはな／又しねりやから みしま／もりてゝは おもはな／又よりあけもり おやり／あよなめさ けに あて／又こかねもり おやり／ことなめさ はねて／又はから ひきたてゝ／あわてゝよ しちやる／又まさけなよ おしあけて／つかてゝよ しちやる／又あからせち おるちへ／まへほしやよ まよわちへ／又ひちゑるせち おるちへ／おかすきやよ ゆこちへ／又かすのねも とりなおちへ／くめのしま おしあわちへ／又すさのねも なおちへ／かねのしま ひきあわちへ／又くめのきみはゑに／おこと やりよわやり／又かねのしま のろ〳〵／せるまゝは いのて／又てるかはか おしあわし／てるしのか もちなし
[edit]
3-97（9）
一地天鳴響む大主／にるやせぢ 知らたる／せぢや 遣り／大和島 治め／［又］大島鳴響む若主／かなやせぢ 知らたる／又首里杜 ちよわる／英祖にや末按司添い／又真玉杜 ちよわる／てだが末按司添い／又精軍 発てら数／撃ち遣り遣り 鳴響め／又精百 発てら数／島踊り 勝よわれ／又げらへ大ころ達／又塵錆も 付けるな／粉錆も 付けるな／又はゝら 押し発て／早澪口に 停めれ／又真境名よ ぬき上げて／あうやかたも さけ／又気有る世寄す富／押し浮け数 見守ら／又精有る沖珍ら／刳り浮け数 見守ら／又大和前坊主の／あよなめの厳子／又山城前坊主の／ことなめのおが衆生／又精軍てゝ 発てば／干瀬と 合わちへ つい退け／又ゑそこてゝ 発てば／にるや底 つい退け／又肝が内に 思わば／肝垂りよ しめれ／又肝が内に 思わば／大地に 落ちへ 捨てれ／又天が下 国数／大主す よ治らめ
一ち天ちよむ大ぬし／にるやせち しらたる／せちや やり／やまとしま ひちめ／〔又〕たしまとよむわかぬし／かなやせち しらたる／又しよりもり ちよわる／ゑそにや すへあちおそい／又またまもり ちよわる／てたかすへあちおそい／またせこさ たてらかす／うちやりやり とよめ／又せひやこ たてらかす／しまより まさよわれ／又けらへ大ころた／又きりさへも 〔つ〕けるな／かうさひも つけるな／又はゝら おしたて／はやめよくちに とめれ／又まさけなよ ぬきやけて／あうやかたも さけ／又けやるよゝすとみ／おしうけかす みまふら／又せやるおきめつら／くりうけかす みまふら／又やまとまへほしやの／ことなめのおかつきや／又やましろまへほしやの／ことなめのおかつきや／又せくさてゝ たては／ひせと あわちへ ついのけ／又ゑそこてゝ たては／にるやそこ ついのけ／又きもかうちに おもわは／きもたりよ しめれ／又あよかうちに おもわは／たいちに おとちへ すてれ／又天かした くにかす／大ぬしす よしらめ
[edit]
3-98（10）
一聞得大君ぎや／大国富 押し浮けて／てるかはす よ治れ／又鳴響む精高子が／世寄せ富 押し浮けて／［又百末にぎやめむ／末 尋まへて 降れわちへ／又八十末にぎやめも／真末 尋まへて 降れわちへ］／又成さい人思い按司添い／大国富 押し浮けて／成さい人思い貴み人／世寄せ富 押し浮けて／又おぼつぎやめ 鳴響で／大国富 寄せて
一きこゑ大きみきや／ちやくにとみ おしうけて／てるかはす よしれ／又とよむせたかこか／世せとみ おしうけて／又もゝすへにきやめむ／すへ とまへて おれわちへ／又やそすへにきやめむ／すへ とまへて おれわちへ／又やそすへにきやめも／ませ とまへて おれわちへ／又なさいきよもいあんしおそい／ちやくにとみ おしうけて／なさいきよもいたゝみきよ／世ゝせとみ おしうけて／又おほつきやめ とよて／ちやくにとみ よせて
かぐら節[edit]
3-99（11）
一聞得大君ぎや／鳴響む精高子が／降れ直ちへ 搔い撫で／又成さい人思い按司添い／吾が搔い撫で貴み人／又首里のろ親のろ／なよ笠の親のろ／又金の杜親のろ／御宣り人の親のろ／又西杜の親のろ／十百末の親のろ／又まきよ〳〵の のろ〳〵／肝 揃て 祈て／又明けま年 向かは／いしやもよは 掛け添て／又向かがお吉日 押し開けば／お想ぜ様に 添て／又此の吉日の 依り降れや／何時よりも 愛しや／又此のきらの 憑き降れや／何時よりも おもかしや／又あまみや 初めて／御肝内は 生まれて／又しねりや 宣立てゝ／肝が根や 勝れて／又聞得大君しよ／御島世は よ治れ
一きこゑ大きみきや／とよむせたかこか／おれなおちへ かいなて／又なさいきよもいあちおそい／あかかいなてたゝみきよ／又しよりのろおやのろ／なよかさのおやのろ／又かねのもりおやのろ／みちりきよのおやのろ／又にしもりのおやのろ／ともゝすへのおやのろ／又まきよ〳〵の のろ〳〵／あよ そろて いのて／又あけまとし むかは／いしやもよは かけおそて／又むかかおゑか おしあけは／おさうせやに おそて／又このゑかの よりおれや／いつよりも まなしや／又このきらの つきおれや／いつよりも おもかしや／又あまみや はちめて／おきもうちは おまれて／又しねりや のたてゝ／あよかねか すくれて／又きこゑ大きみしよ／みしま世は よしれ
[edit]
3-100（12）
一にるや鳴響む大主／大島鳴響む若主／按司添いしよ／せぢ 勝て ちよわれ／又赤ら嶽 鳴響む／真君清ら大主／又雲子嶽 鳴響む／島初め大主／又あまにこの うらやて／けさにこの きらやて／又てるかはと 行き合て／御言 合わしよわちへ／又首里杜 うち歩で／真玉杜 うち歩で／又英祖にや末按司添い／精高末王にせ／［又］雲子嶽 おり上げて／煽りや端 積み上げて／又綾子浜 やびちへ／雪の嶽 やびちへ／又御肝内の 生まれて／肝が内の 勝れて／又按司添いぢよ 行き合て／眼 合わちへ そこて／又にるやせぢ 有らぎやめ／君ぎやせぢ 有らがめ／又天ぎや下 添て／首里杜 栄て
一にるやとよむ大ぬし／たしまとよむわかぬし／あんしおそいしよ／せち まさて ちよわれ／又あからたけ とよむ／あきみきよら大ぬし／又くもこたけ とよむ／しまはちめ大のし／又あまにこの うらやて／けさにこの きらやて／又てるかはと よきやて／おこと あわしよわちへ／又しよりもり うちあよて／またまもり うちあよて／又ゑそにやすへあちおそい／せたかすゑわうにせ／〔又〕くもこたけ おりあけて／あおりやはな つみあけて／又あやこ〔は〕ま やひちへ／よきのたけ やひちへ／又おきもうちの うまれて／あよかおちの すくれて／又あんしおそいちよ よきやて／あまこ あわちへ そこて／又にるやせち あらきやめ／きみきやせち あらかめ／又天きやした おそて／しよりもり ふさて
[edit]
3-101（13）
一聞ゑ按司添いぎや／大君は 宣立てゝ／首里杜 げらへて／おぼつの 世持つ閂／按司添いに みおやせ／又鳴響む王にせが／精高子は 宣立てゝ／真玉杜 げらへて／又威部の祈り し［よ］わちへ／国中の杜に／世の腰当て／煽りやたて おりや上げて／又司祈り しよわちへ／揚がる嶽 見やぐむ嶽／よつ嶽 積み上げて／又精継ぎぎや／見門板門 げらへて／又君が閂／世添う閂 鎖しよわちへ／又按司添いや／今からど／天ぎや下／糸 掛けて ちよわれ
一きこゑあちおそいきや／大きみは のたてゝ／しよりもり けらへて／おほつの よもつとて／あちおそいに みおやせ／又とよむわうにせか／せたかこは のたてゝ／またまもり けらへて／又いへのいのり し〔よ〕わちへ／くになかのもりに／世のこしやて／あおりやたて おりやあけて／又つかさいのり しよわちへ／あかるたけ みやくむたけ／よつたけ つみあけて／又すへつききや／みもんいちやちや けらへて／又きみかとて／世そうとて さしよわちへ／又あちおそいや／いみやからと／天きや下／いと かけて ちよわれ
あおりやへが節[edit]
3-102（14）
一聞得大君ぎや／あまみや世の 産玉／産玉は／祈るすど 世掛ける／又鳴響む精高子が
一きこゑ大きみきや／あまみや世の うふ玉／うふたまは／いのるすと よかける／又とよむせたかこか
あおりやへが節[edit]
3-103（15）
一聞得大君ぎや／大平の戦／京 見揚が遣り／百人 斬り伏せて／又鳴響む精高子が／又聞ゑ按司添いや／又鳴響む按司添いや
一きこゑ大きみきや／大ひらのいくさ／けふ みあかやり／もゝそ きりふせて／又とよむせたかこか／又きこゑあんしおそいや／又とよむあんしおそいや／
中城よしのうら節[edit]
3-104（16）
一大君 鳴響む国守りや／袖 垂れて 適わせ／島の主 世の主 成りよわめ／又首里杜 吾が搔（い）撫で貴み人／又中西の鳴響み浦のあす達／袖 垂れて／又島中の前国のあす達
一大きみとよむくにもりや／そて たれて かなわせ／しまのぬし 世ののし なりよわめ／又しよりもり あかかいなてたゝみきよ／又中にしのとよみうらのあすた／そて たれて／又しま中のまへくにのあすた
大ぬしがてんとどろが節[edit]
3-105（17）
一聞得大君ぎや／撫でゝおちやる御隼／鳴響まちへ 降るしよわ／又国守ぎや／撫でゝ／又与那覇浜 寄り上げ浜 降るしよわ／又うち孵でる かき孵でる すらより
一きこゑ大きみきや／なてゝおちやる みやふさ／とよまちへ おるしよわ／又くにもりきや／なてゝ／又よなははま よりやけはま おるしよわ／又うちすてる かきすてる すらより
よきげらへ節[edit]
3-106（18）
一大君ぎや／いるのべに 直 しよわちへ／君 撓て なよら／又精高子が／まだまべに 直 しよわちへ／又今日の良かる日に／又今日のきや〳〵る日に
一大きみきや／いるのへに な しよわちへ／君 しなて なよら／又せたかこか／またまへに な しよわちへ／又けおのよかるひに／又けおのきや〳〵るひに
あおりやへが節[edit]
3-107（19）
一聞得大君ぎや／あまみや吉日 取りよわちへ／成さい人思いしよ／国 鳴響で ちよわれ／又鳴響む精高子が／しねりや吉日 取りよわちへ／又さしふ 五ころに／願いわちへ 依り降れて／又さしふ 七ころに／このみよわちへ 憑き降れて／［又大ころ達 そこよりしや よりかしや／群り合へ子達 真嬉しや／成さい人思いしよ］／又按司添いに よ治られ／赤口に 付きよわちへ／又大君よ 拝ま／君々よ 手摩ら／又おぼつ嶽 動かちへ／君君ぎや 誇て／又てだが御差しやれば／首里杜 栄て／成さい人思いしよ／国 鳴響で ちよわれ
一きこゑ大きみきや／あまみやゑか とりよわちへ／なさいきよもいしよ／くに とよて ちよわれ／又とよむせたかこか／しねりやゑか とりよわちへ／又さしふ 五ころに／ねかいわちへ よりおれて／又さしふ 七ころに／このみよわちへ つきおれて／〔又大ころた そこよりしや よりかしや／もりやへこた まうれしや／なさいきよもいしよ〕／又あんしおそいに よしられ／あかくちやに つきよわちへ／又大きみよ おかま／きみ〳〵よ てつら／又おほつたけ おこかちへ／きみきみきや ほこて／又てたかおさしやれは／首里もり ふさて／なさいきよもいしよ／くに とよて ちよわれ
あおりやへが節[edit]
3-108（20）
一聞得大君ぎや／大島きら 直ちへ／按司添いしよ／てるかはは 祈れ／又鳴響む精高子が／たきより吉日 選らで／又成さい人思い按司添い／御肝内に 願て／又吾が搔い撫で貴み人／お想ぜ根に こので／又げらへ大ころ達／組む手 揃よわちへ／又搔い撫で真こる子達／御袖 揃よわちへ／又千の祈り しよわちへ／万の余念 通て／又赤口が 依い憑き／おぼつ嶽 鳴響で
一きこゑ大きみきや／たしまきら なうちへ／あちおそいしよ／てるかはは いのれ／又とよむせたかこか／たきよりゑか ゑらて／又なさいきよもいあんしおそい／おきもうちに ねかて／又あかかいなてたゝみきよ／おさうせねに このて／又けらへ大ころた／こむて そろよわちへ／かいなてまこるこた／みそて そるよわちへ／又せんのいのり しよわちへ／まんのよねん かよて／又あかこちやか よいつき／おほつたけ とよて
やゝのきくたけが節[edit]
3-109（21）
一聞得大君ぎや／きら 直ちへ／いけな君 依り降るちへ／按司添いしよ／せぢ 勝て ちよわれ／又鳴響む精高子が／吉日 直ちへ／成り人君 憑き降るちへ／又年 七年 させわちへ／首里杜 依り降るちへ／又年 八年 願て／真玉杜 憑き降るちへ／又いせゑけり按司添い／大君は 宣立てゝ／又吾が搔い撫で王にせ／君君は 手摩て／又てるかはが 守りよわちへ／御島王にせす 掛け添て
一きこゑ大きみきや／きら なおちへ／いけなきみ よりおるちへ／あちおそいしよ／せち まさて ちよわれ／又とよむせたかこか／ゑか なおちへ／なりきよきみ つきおるちへ／又とし 七と させわちへ／しよりもり よりおるちへ／又とし 八とせ ねかて／またまもり つきおるちへ／又いせゑけりあちおそい／大きみは のたてゝ／又あかかいなてわうにせ／きみきみは てつて／又てるかはか まふりよわちへ／みしまわうにせす かけおそて
きみのつんじが節[edit]
3-110（22）
一聞得大君ぎや／吉日 選び遣り 降れわちへ／按司添いしよ／掛け栄て ちよわれ／又鳴響む精高子が／きら 選び遣り／又聞ゑ天続ぎや／およりとて 降れわちへ
一きこゑ大きみきや／ゑか ゑらひやり おれわちへ／あんしおそいしよ／かけふさて ちよわれ／又とよむせたかこか／きら ゑらひやり／又きこゑ天つききや／およりとて おれわちへ
うちいではのちあがりの節[edit]
3-111（23）
一聞ゑ君添いや／降れて 遊びよわれば／天より下の／せぢ果報 みおやせ／又精高君添いや／又首里杜ぐすく／又真玉杜ぐすく／又大君が 守らば／君々ぎや 守らば／按司添いしよ／掛け栄て ちよわれ
一きこゑきみおそいや／おれて あすひよわれは／天より下の／せちかふう みおやせ／又せたかきみおそいや／又しよりもりくすく／又またまもりくすく／又大きみか まふらは／きみ〳〵きや まふらは／あちおそいしよ／かけふさて ちよわれ
あおりやへが節[edit]
3-112（24）
一聞得大君ぎや／おぼつ吉日 取りよわちへ／京の内は 押し開けて／按司添いしよ／十百末 ちよわれ／又鳴響む精高子が／神座吉日 取りよわちへ／もちる内は つき開けて／又いけな君 先立て／首里杜 降れわちへ／又成人君 いぐまちへ／真玉杜 降れわちへ／又按司添いと 行き合て／眼 合わちへ 遊で／又王にせと 行き合て／御顔 合わちへ 遊で／又君々が 祈らば／てるかはがが 守らば
一きこゑ大きみきや／おほつゑか とりよわちへ／けおのうちは おしあけて／あちおそいしよ／ともゝすへ ちよわれ／又とよむせたかこか／かくらゑか とりよわちへ／もちるうちは つきあけて／又いけなきみ さきたて／首里もり おれわちへ／又なりきよきみ いくまちへ／またまもり おれわちへ／又あちおそいと よきやて／あまこ あわちへ あすて／又わうにせと よきやて／みかう あわちへ あすて／又きみ〳〵か いのらは／てるかわか まふらは
おしかけ節[edit]
3-113（25）
一聞得大君ぎや／せぢ 勝て 降れわちへ／按司添いしよ／君ぎやせぢ 持ちよわれ／又鳴響む精高子が／気 添わて 降れわちへ／又年直さ 取りよわちへ／おぼつせぢ いきやよわちへ／又きら直さ 取りよわちへ／神座せぢ 降ろちへ／又君手摩り 間遠さ／見物遊び 珍らしや／又英祖にや末按司添い／今からど／せぢ 勝て ちよわれ
一きこゑ大きみきや／せち まさて おれわちへ／あちおそいしよ／きみきやせち もちよわれ／又とよむせたかこか／けお そわて おれわちへ／又としなおさ とりよわちへ／おほつせち いきやよわちへ／又きらなおさ とりよわちへ／かくらせち おろちへ／又きみてつり まとさ／みもんあそひ めつらしや／又ゑそにやすへあちおそい／いみやからと／せち まさて ちよわれ
みしまいのられてが節[edit]
3-114（26）
一聞得大君ぎや／鳴響む精高子が／神座 鳴響で／又如何る按司添いが／如何る貴み人が
一きこゑ大きみきや／とよむせたかこか／かくら とよて／又いきやるあんしおそいか／いきやるたゝみきよか
かぐら節[edit]
3-115（27）
一聞得大君ぎや／鳴響む精高子が／降れ直ちへ 搔い撫で／又成さい人思い按司添い／吾が搔い撫で貴み人
一きこゑ大きみきや／とよむせたかこか／おれなおちへ かいなて／又なさいきよもいあちおそい／あかかいなてたゝみきよ
おもろとのばらが節[edit]
3-116（28）
一聞得大君ぎや／降れて遊びよわれば／後揚がりしよ／世わ ちよわれ／又鳴響む精高子が
一きこゑ大きみきや／おれてあすひよわれは／のちあかりしよ／世わ ちよわれ／又とよむせたかこか
のちあがりの節[edit]
3-117（29）
一聞得大君ぎや／見揚がの拍子／打ち揚がの拍子／又鳴響む精高子が
一きこゑ大きみきや／みやかのひやし／うちやかのひやし／又とよむせたかこか
おしかけ節[edit]
3-118（30）
一聞得大君ぎや／降れて 祈りよわれば／島が命／おぎやか思いに みおやせ／又鳴響む精高子が
一きこゑ大きみきや／おれて いのりよわれは／しまかいのち／おきやかもいに みおやせ／又とよむせたかこか
あおりやへが節[edit]
3-119（31）
一聞得大君ぎや／降れて 遊びよわれば／天が下 平らげて ちよわれ／又鳴響む精高子が
一きこゑ大きみきや／おれてあすひよわれは／天か下 たいらけて ちよわれ／又とよむせたかこか
あおりやへが節[edit]
3-120（32）
一聞得大君ぎや／降れて 遊びよわれば／神てだの／守りよわる按司添い／又鳴響む精高子が
一きこゑ大きみきや／おれて あすひよわれは／かみてたの／まふりよわるあちおそい／又とよむせたかこか
あおりやへが節[edit]
3-121（33）
一聞得大君ぎや／世添うせぢ みおやせば／千万 世 添わて ちよわれ／又鳴響む精高子が
一きこゑ大きみきや／世そうせち みおやせは／千万 世 そわて ちよわれ／又とよむせたかこか
あおりやへが節[edit]
3-122（34）
一聞得大君が／天の祈り しよわれば／てるかはも 誇て／おぎやか思いに／島 添えて みおやせ／又鳴響む精高子が
一きこゑ大きみきか／てにのいのり しよわれは／てるかはも ほこて／おきやかもいに／しま そえて みおやせ／又とよむせたかこか
あおりやへが節[edit]
3-123（35）
一聞得大君ぎや／赤の鎧 召しよわちへ／刀うちす／大国 鳴響みよわれ／又鳴響む精高子が
一きこゑ大きみきや／あけのよろい めしよわちへ／かたなうちす／ちやくに とよみよわれ／又とよむせたかこか
あおりやへが節[edit]
3-124（36）
一聞得大君ぎや／神座吉日 取りよわちへ／按司添いす／十百末 ちよわれ／又鳴響む精高子が
一きこゑ大きみきや／かくらゑか とりよわちへ／あんしおそいす／ともゝすへ ちよわれ／又とよむせたかこか
あおりやへが節[edit]
3-125（37）
一聞得大君ぎや／十嶽 勝［り］よわちへ／見れども飽かん首里親国／又鳴響む精高子が
一きこゑ大きみきや／とたけ まさりよわちへ／みれともあかんしよりおやくに／又とよむせたかこか
あおりやへが節[edit]
3-126（38）
一聞得大君ぎや／京のせぢ 遣りよわば／嶋 丸く／御声し遣り 添わ／又鳴響む精高子が
一きこゑ大きみきや／けおのせち やりよわは／嶋 まるく／みこへしやり おそわ／又とよむせたかこか
あおりやへ節[edit]
3-127（39）
一聞得大君ぎや／降れて 降れ栄よわ／世 揃ゑて／おぎやか思いに みおやせ／又鳴響む精高子か
一きこゑ大きみきや／おれて おれふさよわ／よう そろゑて／おきやかもいに みおやせ／又とよむせたかこか
たうやまが節[edit]
3-128（40）
一聞得大君ぎや／戦せぢ みおやせ／又鳴響む精高子が
一きこゑ大きみきや／いくさせち みおやせ／又とよむせたかこか
あおりやへが節[edit]
3-129（41）
一聞得大君ぎや／十百度／算為ちへ ちよわれ／又鳴響む精高子が
一きこゑ大きみきや／ともゝと／さにしちへ ちよわれ／又とよむせたかこか
きこゑ大きみがいくさしぢが節[edit]
3-130（42）
一聞ゑ藤山［に］／大君ぎや 気 遣りよわ／又鳴響む藤山に
一きこゑたうやまに／大きみきや け やりよわ／又とよむたうやまに
あおりやへ節[edit]
3-131（43）
一聞得大君ぎや／搔い撫でわる按司添い／果報寄る見揚がの杜 ちよわれ／又鳴響む精高子が
一きこゑ大きみきや／かいなてわるあちおそい／かほうよるみやかのもり ちよわれ／とよむせたかこか
あおりやへ節[edit]
3-132（44）
一聞得大君ぎや／祈り奉れば／万々 あすらまん ちよわれ／又鳴響む精高子が
一きこゑ大きみきや／いのりたてまつれは／まんまん あすらまん ちよわれ／又とよむせたかこか
あおりやへ節[edit]
3-133（45）
一聞得大君ぎや／せぢ大親が うち揚て ちよわれ／又鳴響む精高子が
一きこゑ大きみきや／せち大やか うちかて ちよわれ／又とよむせたかこか
あおりやへ節[edit]
3-134（46）
一聞得大君ぎや／首里杜 降れわちへ／おぎやか思いや／君しよ 守りよわめ／又鳴響む精高子が
一きこゑ大きみきや／しよりもり おれわちへ／おきやかもいや／きみしよ まふりよわめ／又とよむせたかこか
あおりくものあぢの節[edit]
3-135（47）
一聞得大君ぎや／せぢ鳴響み精軍／島世の 鳴響み／又鳴響む精高子が
一きこゑ大きみきや／せちとよみせいくさ／しま世の とよみ／又とよむせたかこか
[edit]
3-136（48）
一聞得大君ぎや／百歳ぎやめ／おぎやか思いしよ ちよわれ／又鳴響む精高子が／真玉杜 降れわちへ
一きこゑ大きみきや／ひやくさきやめ／おきやかもいしよ ちよわれ／又とよむせたかこか／またまもり おれわちへ
あおりやへ節[edit]
3-137（49）
一聞得大君ぎや／今日 降らす 雨や／京の内庭に／金 降り満ちへて／又鳴響む精高子が
一きこゑ大きみきや／けお ふらす あめや／きやのうちみやに／こかね ふりみちへて／とよむせたかこか
あおりやへ節[edit]
3-138（50）
一聞得大君ぎや／しけ内 綾 遊ばちへ／清らの花の／咲い渡る 見物／又鳴響む精高子が
一きこゑ大きみきや／しけうち あや あすはちへ／ちよらのはなの／さいわたる みもん／又とよむせたかこか
あおりやへ節[edit]
3-139（51）
一聞得大君ぎや／島討ち富 押し浮けて／神座の天降り富る かに ある／鳴響む精高子が
一きこゑ大きみきや／しまうちとみ おしうけて／かくらのてよりとみる かに ある／又とよむせたかこか
きこゑ大ぎみぎやみてずからいのり節[edit]
3-140（52）
一聞得大君ぎや／御愛しけ按司添い／浦うらと／同座敷 ちよわれ／又鳴響む精高子が
一きこゑ大きみきや／みかなしけあんしおそい／うらうらと／ゑんさしき ちよわれ／又とよむせたかこか
あおりやへ節[edit]
3-141（53）
一聞得大君ぎや／降れて 降れ直しよわ／按司添いに／世果報 みおやせ／又鳴響む精高子が
一きこゑ大きみきや／おれて おれなふしよわ／あちおそいに／世かほう みおやせ／又とよむせたかこか
あおりやへ節[edit]
3-142（54）
一聞得大君ぎや／初め軍 立ちよわちへ／合おて 行き遣り／敵 治めわちへ／又鳴響む精高子が
一きこゑ大きみきや／はちめいくさ たちよわちへ／あおて いきやり／かたき ひちめわちへ／又とよむせたかこか
あおりやへが節[edit]
3-143（55）
一聞得大君ぎや／世掛けせぢ 降るちへ／按司添いす／末 勝て ちよわれ／又鳴響む精高子が
一きこゑ大きみきや／世かけせち おるちへ／あんしおそいす／すゑ まさて ちよわれ／又とよむせたかこか
あおりやへが節[edit]
3-144（56）
一聞得大君ぎや／歓へわちへからは／成さい人思いに／島が命 みおやせ／又鳴響む精高子が
一きこゑ大きみきや／あまへわちへからは／なさいきよもいに／しまかのち みおやせ／又とよむせたかこか
あおりやへが節[edit]
3-145（57）
一聞得大君ぎや／世果報杜に／島世 揃いわちへ／又鳴響む精高子が
一きこゑ大きみきや／世かほうもりに／しま世 そろいわちへ／又とよむせたかこか
うらおそいおもろの節[edit]
3-146（58）
一聞得大君ぎや／雨漏らん杜や／後揚がるしよ／世は ちよわれ／又鳴響む精高子が
一きこゑ大きみきや／あめもらんもりや／のちあかりしよ／世は ちよわれ／又とよむせたかこか
[edit]
3-147（59）
一与那覇浜 聞得大君／八千代 掛けて 鳴響まさに／又あきり口 鳴響も大君や／八千代
一よはなはま きこゑ大きみ／やちよ かけて とよまさに／又あきりくち とよむ大きみ／やちよ
よきげらへ節[edit]
3-148（60）
一大君 国添い君／世果報 真果報 みおやせ／又上下の 国数の
一大きみ くにおそいきみ／世かほう まかほう みおやせ／又かみしもの くにかすの
かぐら節[edit]
3-149（61）
一聞得大君ぎや／鳴響む精高子が／君々しよ よ治れ／又いせゑけり按司添い／吾が搔い撫で貴み人
一きこゑ大きみきや／とよむせたかこか／きみ〳〵しよ よしれ／又いせゑけりあちおそい／あかかいなてたゝみきよ
あおりやへ節[edit]
3-150（62）
一聞得大君ぎや／さしふ 降れ直ちへ／按司添いしよ／十百末／末 勝て ちよわれ／又鳴響む精高子が／むつき 降れ栄て
一きこゑ大きみきや／さしふ おれなおちへ／あちおそいしよ／ともゝすへ／すゑ まさて ちよわれ／とよむせたかこか／むつき おれふさて
おしかけ節[edit]
3-151（63）
一大君ぎや 見守る／てだが末按司添い／天下した／末 勝て ちよわれ／又精高子が 見守る／末勝る王にせ
一大きみきや みまふる／てたかすへあちおそい／天下した／すへ まさて ちよわれ／又せたかこか みまふる／すゑまさるわうにせ