دیوانی شێخ ڕەزای تاڵەبانی/پیتی و
Jump to navigation
Jump to search
| ←پیتی ن | دیوانی شێخ ڕەزای تاڵەبانی (1891) by پیتی و |
پیتی ە→ |
1[edit]
| ڕوخاندی گەردشی گەردوون لە هەر جێ ئاستانێ بوو | سوتاندی چەرخی دوون پەروەر لە هەر کوێ ئاشیانێ بوو |
| وەکو تەییی سجل للكتب پێچایەوە گەردوون | لە هەر مهمانسەرا ئاساری سفرە و نان و خوانێ بوو |
| بە حاتەم گەر بکەی تەشبیهی ئەم ئاغایە بێ عەقڵی | کە فەرقی ئەم لەگەڵ ئەو ئاسمان و ڕێسمانێ بوو |
| درێغ بۆ خانەدانی مارف ئاغای سەروەری ئاکۆ | کە جێگەی عەیش و عەشرەت، مەنبەعی ئەمن و ئەمانێ بوو |
| لە جوود و بەخشش و ئەنعامی خۆی و قەوم و ئەتباعی | وەکوو شانامە و ڕۆستەم لە هەر جێ داستانێ بوو |
| کەیومەرسی دووەم، جەمشیدی سانی، خوسرەوی سالیس | سولەیمانی زەمان، ئەسکەندەری ساحێبقڕانێ بوو |
| شەوی وەک زوڵفی یارە و ڕووی حەسوود و بەختی من تاریک | لەگەڵ دیجوور و یەلدا وا حیساب کە تەوئەمانێ بوو |
| بە نامەردی شەهیدیان کرد وەکوو حەمزە و عومەر، دوژمن | موراد ئاغا کە ڕۆژی جەنگ و دەعوا قەهرەمانێ بوو |
| کەسێ ئەم سەروی ڕەعنایەی لە پێ خست گەردنی بشکێ | چ زێبا سوورەتێ، یا ڕەب، چ شیرین نەوجەوانێ بوو |
| مورادیان بۆیە ناو نابوو لە وەختی بەخشش و ئینعام | لەبۆ بابی موراد دەستی کەریمی نەردەبانێ بوو |
| لە حەق شێخ و مەلا و دەروێش و سۆفی سائیل و سەییاح | وەکوو حاتەم شەفیق و دڵنەواز و میهرەبانێ بوو |
| ئیتر نەتبێ لە موڵکی ڕۆم ڕەزا ئوممێدی ئاسایش | لە پێش ئەم کارەدا هێشتا ئومێدی پارچە نانێ بوو |
2[edit]
| لە بیرم دێ سولەیمانی کە دارولمولکی بابان بوو | نە مەحکوومی عەجەم نە سوخرەکێشی ئالی عوسمان بوو |
| لە بەر قاپی سەرا سەفیان دەبەست شێخ و مەلا و زاهید | مەتافی کەعبە بۆ ئەربابی حاجەت گردی سەیوان بوو |
| لە بەر تابووری عەسکەر ڕێ نەبوو بۆ مەجلیسی پاشا | سەدای مۆزیقە و نەققارە تا ئەیوانی کەیوان بوو |
| درێخ بۆ ئەو زەمانە، ئەو دەمە، ئەو عەسرە، ئەو ڕۆژە | کە مەیدانی جریدبازی لە دەوری کانی ئاسکان بوو |
| بە زەربی حەملەیێ بەغدای تەسخیر کرد و تێی هەڵدا | سولەیمانی زەمان، ڕاستت دەوێ، باوکی سولەیمان بوو |
| عەرەب ئینکاری فەزڵی ئێوە ناکەم ئەفزەلن ئەمما | سەلاحەددین کە دنیای گرت لە زومرەی کوردی بابان بوو |
| عوموومی شەهریاران و سەلاتینی فەرەنگستان | لە ڕوعبی سەتوەتی ئەو شێرەدا گشتی هەراسان بوو |
| قوبووری پڕ لە نووری ئالی بابان پڕ لە ڕەحمەت بێ | کە بارانی کەفی ئیحسانیان وەک هەوری نیسان بوو |
| کە عەبدوڵڵاهـ پاشا لەشکری والیی سنەی شڕ کرد | ڕەزا ئەو وەختە عومری پێنج و شەش تیفلی دەبستان بوو |
3[edit]
| ئەی مەلا تۆ قەت تۆ لە زەرفێندا وەها خێرا نەبووی | یا لە حیزیی بەختی من یا مۆرەکەت مووی پێوە بوو |
| حاڵ لە سێ خاڵی نییە تو خودا بەڕاستی پێم بڵێ | مووی سمێڵت یا بەرت یا کلکی یابووی پێوە بوو |
| وا دەزانم مووی ڕزیوی پێستی دەبباغخانە بوو | چونکە ئاساری کەتیرە و جەوت و مازووی پێوە بوو |
| پەشمی پاشت بۆ مەزەندە چونکە وەختی ڕۆژهەڵات | دیققەتم کرد دەور و پشتی زەرفەکان گووی پێوە بوو |
| مووی سەگی گڕوێش وەها نابێ بەتەخمین سەد هەزار | ڕشک و ئەسپێ و کێچ و کەهلە، کرم و کڕنووی پێوە بوو |
| ئەلغەرەز دوو پشکی ڕۆحم چوو لە ترسان ئەو شەوە | هێندە دووپشک و هەزارپێ و مار و مێرووی پێوە بوو |
| قاوەچی ڕووی سینییەکەی هەرچەند بەنینۆک هەڵکڕاند | قەلعی ئاساری نەکرد هێشتا بەشی تۆی پێوە بوو |
| زۆر نەما بوو بۆنی سەرگین بمکوژێ، وا تێ دەگەم | تووکی بن کلکی کەر و بارگیری مردووی پێوە بوو |
| داوەکەی موویین و گڕوینت بەکاری هیچ نەهات | گەرچی هەرلایێ دووسەد ئەفسوون و جادووی پێوە بوو |
4[edit]
| حەسەنی هەمزە لەسەر «شەم» کە چییە تەفسیری | دەست بەشمشێر لەگەڵم ساحیبی دەعوا دەرچوو |
| من وتم ناخوێنی شێر. ئەو وتی کلکی شێرە | لەسەر ئەم لەفزە بەسێ شووڕش و دەعوا دەرچوو |
| گرەوم کرد لەگەڵی، چووم و کتێبم هێنا | ناخونی من نەبوو کلکی حەسەن ئاغا دەرچوو |