Нуша
| Нуша (1906) by |
| Хайланă дата: 1906, Пичетленĕ çул: 1906. Çăлкуç: Вула Чăвашла |
Васканăн ĕç тăнă,
Ерипелилĕн кайнă.
Эпĕ пĕрре юлташпа
Кайрăм хамăр утсемпе
Хĕрлĕ çыра çитерме.
Пуçланать кĕркунне.
Хĕрлĕ çыр вăл – пирĕн вар,
Ячĕпеле вăл Типвар.
Çав Типварта çĕртмере
Каççĕ утсем çитерме.
Эпир самай сивĕрен
Чул кăлартăмăр çырмара.
Çуркуннехи шупала
Нăмай ватать çырана.
Ун чух вара, çуркунне.
Çĕр айĕнчи чулсене
Шыв кăларать хăй выйпе,
Илсе каймасть лаприне.
Çиялти вĕт чулсене
Хамăр кăларнисене
Пĕрле пуçтаркаласа
Турăмăр пĕрер купа.
Хĕвел ларма пуçласан,
Эпир тухрăмăр Типвартан.
Унтан вара килелле
Чуптартăмăр сиккипе.
Тепĕр кунне ирпеле
Эпĕ кайрăм пиччепе
Хĕрлĕ çыра ураппа,
Чула киле турттарма.
Çырма хĕрне çитсессĕн,
Айăккалла каясран
Мана пичĕн: «Лашана
Кÿклет, – терĕ, – айăккалла».
Анчах эпĕ пĕлмелле
Кÿклетрĕм икĕ енпе,
Вăл тăрса юлчĕ мантан
Çырма хĕрне тăн-тăпăн.
Эпĕ çырмана ансассăн,
Пирĕн лаша вырăнтан
Пуçланă урапипе
Чакма çырма хĕрнелле.
Çырма хĕрне çитсессĕн,
Урапи анса кайсан.
Пирĕн хайхи лашана
Утса ячĕ çырмана.
«Эх, лаша, хăла лаша,
Эх, пĕтрĕн эсĕ, апша!» –
Тесе эпĕ кăçкăртăм,
Ун патнелле чупрăм.
Анчах урапа тепре
Кусса анса аяла
Утса ячĕ лашана,
Тĕпнех çитерчĕ мĕскĕне!
Часрах пичей лумпала
Чупса пычĕ хăраса.
Вăл кăларчĕ чулсене
Лаша ÿкнинчен анатра.
Вăл та, эп те хăраса
Чупса çитрĕмĕр хашкаса.
Лаша выртать ÿпнелле
Самай çырма варринелле.
Тытăнтăмăр кăларма,
Анчах май çук тăварма.
Хуллен-хуллен çапах та
Салтса ятăм чÿлĕке.
Çав вăхăтра ураппа
Çитрĕ юлташ Типвара.
Вăйă пире аялта
Курса анчĕ пирĕн пата.
Малтан эпир тăварса
Мен пур-çук вăйпа туртса
Хăпартăмăр ту çине
Уйрăмăн тенелсене.
Кайран эпир пур – виççĕн
Тытăнтăмăр лапаран
Туртса кăларма лашана,
Тепре кÿлме урапана.
Пичей тытрĕ пуç панчен.
Эпĕ туртап хÿререн,
Юлташ тĕкет çурăмчен.
Хăй тăрса тепĕр енчен.
Ак хăрчĕ пирĕн лаша,
Сиенленмен-ха, апша!
Чипер утса çÿлелле
Хăпарчĕ вăл ту çине.
Ăна эпĕ чĕлпĕрпе
Кăкăртан урапаран,
Кайран вара çырмаран
Тин йăтрăмăр чулсене.
Тепĕртакран лашана
Кÿлтсмĕр урапана.
Эх, çапла хуйхă курса
Таврăнтăмăр тăяса.
Хĕрлĕ çыртăн вĕтĕ чул,
Кайран-малтан сыв пул!
Хĕрлĕ çыр те, чулĕ те
Аса килет халĕ те.
Халĕ çавă лашана
Сутнă вăтăр улттăна.
Вăл ун чух сиенленмен,
Çанпа илекен пĕлмен.
1906
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1942 году и был посмертно реабилитирован в 1956 году, соответственно эта работа выйдет в России в общественное достояние в 2027 году.
The author died in 1942, so this work is also in the public domain in countries and areas (outside Russia) where the copyright term is the author's life plus 80 years or less. |