Кӧин

Кӧин (1923)
Крылов Иван Андреевич (1769 - 1844), translated by Тима Вень

Оригинал кыв: Роч, Оригинал ним: «Волк и кот». Гижан кад: 1923, Йӧзӧдан во: 1923. Ӧшмӧс: Выль туйӧд. Сыктывдінкар, 1923. Лб. 74.

Басня

Кыйсьысьяс пишщальясӧн да понъясӧн вӧтлысисны кӧин бӧрся. Кӧин дзик пикӧ воис, некытчӧ лои воштысьны сылы. Гӧняйтліс, гӧняйтліс вӧръясӧд да сэсся медбӧрти уськӧдчис сиктӧ. Кӧсйис сэн вӧзйысьны код ордӧ кӧ дзебсьыны понъясысь. Матыстчылас ӧти керка дорӧ, мӧдӧ (кӧсйӧ) пырны — быдлаын игана. Некытчӧ оз инась. Аддзас сэсся потшӧс вылысь каньӧс да и кевмысьны кутас:

— Кысільӧй-канильӧй, висьтав, коді тіян сиктаныд медся бур, коді эськӧ менӧ дзебас понъясысь да лыйсьысьясысь? Кылан, кыдзи горзӧны йӧзыс да увгӧны понъясыс! Ставныс ӧд найӧ ме вылӧ!

Кань шуӧ:

— Ветлы вӧзйысьныд Сьтэпан Миш ордӧ. Зэв бур морт сійӧ. Дерт, ме чайта, лэдзас!

— Бурнас эськӧ, гашкӧ, сійӧ бур, — шуӧ кӧин, — да ме ог лысьт сы ордӧ мунныс. Ыжсӧ сылысь джагӧдлі.

— Но-о. Сідзкӧ нӧ мун Демьян ордӧ вӧзйысьлы, — велӧдӧ кань.

— Демьянӧ?! Ог-ог! Ме вылӧ сійӧ колян восянь нин лӧгалӧ, балясӧ кук йӧрсьыс пышйӧдлі да.

— Ветлы нӧ сідзкӧ Трӧпимӧ, сылӧн тонӧ матын керкаыс.

— Трӧпимӧ?! Сы ордӧ бара ме ог нин лысьт мунныс. Кодкӧ во сылысь куканьсӧ сёйлі да весиг паныдасьныс сыкӧд ог лысьт.

— Сідзнад кӧ лёк… — шуӧ кань. — Гашкӧ нӧ, тэнӧ дзебыштлас Семӧ?

— Ок, кысільӧйӧй! Сылысь ӧд ме чаньсӧ джагӧдлі, да важӧн нин сійӧ ме вылӧ пиньсӧ кеслӧ, вины кӧсйӧ.

— Аттӧ, сідзкӧ нӧ тэ став сиктсаыслы нин пакӧсьт вӧчлӧмыд, — шуӧ кань. — Мый вылӧ лачаӧн нӧ эськӧ татчӧ тэ локтін? Код вылӧ надейтчан, зон? Гм… Миян мужикъясыд абу на тыр йӧйӧсь. Кутасны дорйысьны асланыс юр вылӧ. Виччысь! Ачыд тэ мыжа — ачыд и вештысь кыдз кужан!

This is a translation and has a separate copyright status from the original text. The license for the translation applies to this edition only.

Original:

This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse

Translation:

This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]

This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home.

Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1941 году и был посмертно реабилитирован в 1956 году, соответственно эта работа выйдет в России в общественное достояние в 2027 году.

The author died in 1941, so this work is also in the public domain in countries and areas (outside Russia) where the copyright term is the author's life plus 80 years or less.

Кӧин

Navigation menu

Search