Zrudny kwas
Hólcy so na kwas hotowachu,
Swoje sej koniki sedłowachu.
Swoje sej wotrohi připinachu,
Do runoh' pola so zjězdźowachu.
Rapaki wyše nich zlětowachu,
Na nich tak žadławje rapachu.
Rapaki wyše nich zlětowachu,
Wulke jim njezbože wěšćachu:
Zo jim nawoženja z konja padny,
Zo sej šiju a hłowu zrazy.
Prěnje to hono tam přejědźechu,
Z konja prec pad źe jim nawoženja.
Z konja přec padźe jim nawoženja,
Swoju sej šiju a hłowu zrazy.
Prěni króć zwony so zazwonichu,
Njewjesta poča so swatow prašeć:
"Hdźe maće mojeho nawoženju,
Zo tu jow nihdźe mjez wami njej?"
"W nowej je komorje nawoženja,
Swoju sej hotuje lindyr drastu."
Druhi króć zwony so zazwonichu,
Njewjesta poča so družkow prašeć:
"Hdźe maće mojeho nawoženju,
Zo tu jow nihdźe wón mjez wami njej'?"
"W nowej je komorje nawoženja,
Wón sej swój swětły mječ připasuje."
Třeći króć zwony so zazwonichu,
Njewjesta poča so braški prašeć:
"Hdźe maće mojeho nawoženju,
Zo tu jow nihdźe wón mjez wami njej'?"
"Z konja je padnył twój nawoženja,
Swoju sej šiju a hłowu zrazył."
"Torhajće ze mnje tu lindyr drastu,
Běłe te płachty mje wodźěwajće.
Zo budu žarować lětko a dźeń
W zelenym wěnašku ke mši khodzić,
W zelenym wěnašku ke mši khodźić,
Na swojoh' lubeho njezabywać!"
- Author: Narodne pěsnički z Hórnikoweje "Čitanki". (public domain)
- Source: http://texty.citanka.cz/pata/sc1-46.html
- Note: Stary prawopis