Ziwanê Mi rê Se Bîyo?
Ma ziwanê xo rewna ra vinî kerd. Ma tipînî rê kirdkî, seke dewe de bawkalê xo reyde yarîkerdiş bîya. Ma de kirdkî sey ziwanê heyatê dewe bi. Ma xo bedelna û no sebeb ra ma xo qot kerd. Eke kirdkî nêbo ziwanê sûke cazîbeya xo vinî kena. Karakterêko pastoral vejîyeno meydan. Wextê ma de manaya sûke, huner û polîtîka de averşîyayîş o. Ziwan zî mecbur beno ke nê averşîyayîşî rê cevab bido. Eke cevab nêdo, ziwanê dayîke ma rê beno pîne û fekê ma de multecî maneno.
Labelê kirdkî bibo ziwanê hunerî; muzîk, şano, fotograf, sînema, vîdeo-art ûsn. û akademî de zî waranê sey sosyolojî û polîtîka de bêro şuxulnayîş aver şina.
Merdum bi nê dîsîplînan xo teber de weş dano şinasnayene û heqê xo ra zaf yeno. Coka ra sosyolojî û polîtîka muhîm ê.
Ma de rewna ra û bi hawayêko sîstematîk yew halê kulturê rewendî ameyo viraştiş. Amacê înan no yo ke ma çina dîyo û çina ke kerdo, ma tipîne xo vîr ra bikê. Ziwan û kulturê ma ma rê bîyo otantîk. Aîdîyetê ma nêmendo. Ma xo, xo ra cêra kerdo.
Seba nê fikrî ez narehet bîya û ez ameya kursê kirdkî. Ez ge-ge kitabanê edebî û sosyolojîkan wanena. Ez nîşna ê vateyanê edebî û çekuyanê akademîkan kirdkî de îfade bikera.
Ez bawer kena ke kirdkî hunerê hemdemî de zî sey fotograf û sînema de, xo bido qebulkerdiş. Û kadrajê kamera de çina ke aseno pê kirdkî şîrove bibo. Çimkî yew ziwan de mana û îfade çend zêde bibo hunermend zî aye vano.