Zeil lifa

Vo! spelobs deno das gud obinom
Semliko zeil finik bada,
Das tomis natik, luvimis ofinom,
Netugis nöledik e döfis dota:

Das nos golos nen zeil fümik,
Das jafäd liföl nonik ponosom
Ud al vag pojedom äs jüt negebik,
Ven God kumi lefulik emekom;

Das vum nonik pacöpom vanliko,
Das sök nonik ko desid vanlik
Falom ini fil nen pöfüd löliko,
U nen gudumam binele votik.

Vo! lenos binos kapälnik obes;
Te kanob konfidön das gud okömom
Lätiko - fago - lätiko, valikes,
E das flols oglofoms ven nif esmötom.

Dlimob somo, ab kis binob?
Cilil plonöl komü neit:
No kanob, sepükön fekis, te yamob;
Cilil plonöl dolso plo lit.

Fa TENNYSON,
Poedal Nelijänik,
(Edeilöl 1892, Balul 6id.)

Se Kosmopolan 1893, Nüm: 9, Pad: 125.