Xwîn Ko Ji Dil Bi Mewci Bêt
Jump to navigation
Jump to search
Xwîn ko ji dil bi mewc-i bêt
Eşkê rewan me têne xet
Nîl-i ji dîdeyan dizêt
Keftime navê şubhê bet
Katibê neqşê qudretê
Zêr-i reşandî ser xetê
Erzen û dêm û cebhetê
Pê neqqişand û kir nuqet
Cebhet û dêm-i neqqişand
Misk û zubad-i lê feşand
Nûrê ji zulmetê reşand
Taze kişandî xet bi xet
hor û fireşte kê we dîn
Nazik û xob û sirşirîn
Dêmê numûne ber bikîn
Soretê çîn numa xelet
şi'rê Melê ko wek rowan
Daye te canê merivan
Pir me li bergê erxewan
Dîne xezel li nik şetet
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse