Xudodin oʻzgasi barcha gʻalatdur
Jump to navigation
Jump to search
Bu tani xokiniyu ruhi ravonni na qilay?!
Boʻlmasa qoshimda jonona, bu jonni na qilay?!
Yorsiz ham bodasiz Makkaga bormoq ne kerak?
Ibrohimdin qolgʻan ul eski doʻkonni na qilay?!
Urayinmu boshima sakkiz bihishti doʻzaxin,
Boʻlmasa vasli menga, ikki jahonni na qilay?!
Arshning kungurasin ustiga qoʻydum oyogʻim,
Lomakondin joy olibman, bu makonni na qilay?!
Zarraye nuri quyoshdek bu jahon ichra tamom
Oshkoro boʻlmasa, sirri nihonni na qilay?!
Bir xudodin oʻzgasi barcha gʻalatdur, Mashrabo,
Gul agar boʻlsa qoʻlumda, ul tikonni na qilay?!
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse