Xora

Mı xo tırıt, tırıt xo bı xora Gırot u berd, xo rot cana Persmekerê şiya bı çıçiya Roşiyaya bolubol ercana

Taynan va; keko tı ahmaqê Eyra xo ma serro hesıbnenê Kar u barê ma gengaz kenê Hadê bê, şo lec bıkı ma rê

Mı bı xo, xo rot zahf ercan Eyra ez daya xo desta inan Biya destırmay destırmayan Gırweyaya semedê jewbiyan

Mı bı xo xo nımıt şardê xora Dapıro şiya biya şarê şarna Rocêda rocan xo nêsınasna Mı xo werdi di kı şarê xoba

Ez şermayaya xo bı xora Vaca ez şara, şarê Zazaya Xo rê nêfıkıriyaya ez kama Lez u beza şiya biya şarna

Barê xo mı erdo cadı verday Kewta bındê barandê şarnay Barê inan mı wegrot heta pey Biya xayın demo kı mı ronay

https://288757.forumromanum.com/member/forum/forum.php?q=zaza_aydin_ve_yazarlarin_dilinden_kaleminden_hasretlik_duygusal_de-piya&action=std_show&entryid=1111707263&mainid=1111707226&threadid=2&USER=user_288757&onsearch=1