Xo Dezanin Sulaley Ekrad
Xo dezanin sulaley ekrad
Lêre we bigre ta degate Qubad
Hemû ‘alîm, hemû şêx û mîr in
Zîrek û jîr û ehlî tedbîr in
Wesetî panî pazde roj rê ye
Pirr le reşmall û xanew û dê ye
Be dirêjî le qaf ke raburdin
Ta be şîraz û Esfehan kurd in
şehsewar in, pîyadeyan aza n
Berdî nîşan û kullkî meydan
Dan û bexşînan le la baw e
Xûnî meydanyan le kin aw e
Be şeca’et hemû weku Rostem
Be sexawet hemû weku Hatem
Le wefa Simweîl û îsma’îl
‘Ehd û peymanyan çiyay Qendîl
Gurdî şaname pakyan kurd e
Kafî em safe kafî ew wirde
Le şerra zor def’e qewmawe
Romîyanyan çi lon cewab dawe
Hacî demirê le dax û haware
Kurdî bêçare debine aware
|
This work was published before January 1, 1929, and is in the public domain worldwide because the author died at least 100 years ago. |