Xem Mexo Bo Nan û Xwanit
Xem mexo bo nan û xwanit xellqî hêşta nustuwe
Zallekey dinya tenûrî meşrîqî daxistuwe
Bêxewîm dayê nexoşîm lê kirrî çawî keçî
Wek min û bextî sîyahim her nexoş û nustuwe
Lêt deşêwê her ke zulfeynî peşêwî la bida
Mahtabî serkel e ya rojekey ser bistuwe
Dulberim bermamkî dabû le ber êşî didan
Wa dezanin rûmetîm em şew le xew da gestuwe
Taqet û sebrim eger rûyîn tenî efirasîyab
Rostemî hîcrî le erzî dawe destî bestuwe
Ey seba yarim eger pirsî le hallim pêy billê:
Mabû ta ew weqte hatim wa dezanim mirduwe
Xem mexo qurban le bo qurbanî ‘îdî weslî to
Muddeyêk e bew umêde Hacî xoy dabestuwe!!
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse