Wineta
Hdyž do wócka ći pohladnu,
Dha na Winetu pomyslu,
To sławne město zastarske,
Kiž do morja so přepadźe.
Štóž prawe hrónčko wurjeknje,
Winetu zaso wuzběhnje
Z najjasnišimi wěžemi
A wysokimi khěžemi.
Praj, kajke hrónčko wuzwolu,
Z čimž twoju lubosć wubudźu,
Zo kaž Wineta postanje
Mi w ćichej twojej wutrobje?
- Author: Karl August Fiedler (public domain)
- Source: http://texty.citanka.cz/pata/sc1-96.html
- Note: Stary prawopis