Wikiborn:Faken stellte Fragen

From Wikisource
(Redirected from Wikiborn:FAQ)
Jump to navigation Jump to search

Op disse Siet staht uns Antwoorten op de Fragen, de faken stellt warrt.

Allgemeen[edit]

Wat is de Wikiborn?[edit]

De Wikiborn is en Websteed in’t Internett, de ole Böker un Texten sammelt. Dor kann jedereen bi mitdoon. Dat Teel is Texten för jedereen verföögbor to maken. Stahn schöölt hier Texten, bi de de Schrievers al mehr as 70 Johr dood sünd (denn sünd de Oorheverrechten nämlich aflopen) oder bi de de Schriever seggt hett, dat he siene Oorheverrechten nich mehr in Anspruch nehmen will.

Wokeen höört de Wikiborn to?[edit]

De Wikiborn is eens vun mehrere Projekten vun de gemeennüttige Wikimedia Foundation, de ehren Sitt in Florida in de USA hett. Disse Stiftung höört ok all de Internett-Domänen, so as wikisource.org, to.

De Texten un Biller in’n Wikiborn staht ünner en fre’e Lizenz, de annere Brukers verlööft, de Texten för sik to bruken.

Woans köönt ji sekerstellen, dat dat allens richtig is, wat dor in de Texten steiht?[edit]

Dat weet wi nich. Aver vele Brukers leest un korrigeert all de Texten un allens wat nee schreven warrt, so dat jümmer mehr Fehlers verbetert as ne’e maakt warrt. Un wenn du di mal nich seker büst, ob dat allens stimmt, denn kannst op de Diskuschoonssiet vun de Siet oder op Wikiborn:Ik bruuk Hülp gahn un annere dor op opmarksam maken.

Technisch[edit]

Woans kann ik överhaupt en ne’en Text anleggen?[edit]

Dat gifft verschedene Mööglichkeiten:

Du giffst den Titel vun den ne’en Text in dat Söökfeld links in, geihst op Gah un denn klickst du baven op de Siet op den roden Lenk to dienen Titel. In dat Finster, dat denn apen geiht, kannst dienen Text ingeven.
Du maakt in de Adressreeg vun dienen Browser „Wikiborn:Faken stellte Fragen“ weg, schriffst dor den Titel vun dienen Text rin un drückst „Enter“. Bi de Siet, de denn apen geiht, kannst normal op „Ännern“ klcken un den Text ingeven.
Drüdde Mööglichkeit: Eenfach hier in dit Feld den Titel vun dienen Text ingeven: