We Fabrikskej hospodźe

We Šunowskej hospodźe

wjesołe je žiwjenje,

tam piwo sej a zabawy

chwali starc a młodostny

a korčmarka, hdyž naliwa

so z jasnym wóčkom posměwa.

R.: Hišće jónu hišće raz,

widźeć chył jej wóčkow kras,

z njej šklenčku wupić na strowje

kaž w Šunowje to z wašnjom je.

Na rejach we Šunowje,

we Fabrikskej hospodźe,

tam lubku sym sej namakał

po šćežkach dom ju přewodźał,

za rězakom pod lipami

mi wona swěru přilubi.

Hdyž w cuzbje přebywam

na hospodu spominam,

na towaršow a korčmarku

a moju lubu lubčičku.

Hdy přińdźe zas ta hodźinka,

zo pohladnu jej do wóčka?