Wahar Zazaki Bıvêjyên

Zazaki êr zê yow qıj qıçalêka. Yow qıjıg sêni mehtaj dadi buabi xuıwo se, Zazaki zi owtiri mehtaj mawa. Zazaki ın qêdıra zê qıji qıçalêk şewqat wazena. Çım çıra Zazaki kota miyun owtiri yow wazyetıg, eg tı Zazaki ser ni vındêri se, zê qıj bie dadiy bie buabiy yetim munena o mıl ver pırı yenu war. In wextıg ma hê tedıdê ın wêxt madi Zazaki, zahf nimendug vinıbu. yetim Tırkiya’di 18 hıew zun ha bin talıkê vin biyayişida rapuêl Unesco’di. In rapuêlıd vajyenug Zazaki zi en zahf bad 2 neslra pê vira bena o bena vin. Ina wazyet qê ma Zazayun yow ri siyayiwa. Riy ıerdıd nızdê 6 milun Zazêy êsti o Zazaki miyun ehndêk Zazayunıd eg vinıbıbuw se, raştazi ına qê mari yow ri siyayiya.

Belê… Maz zi zuni Zazaki ser zah çik ni nısyowu hama Zazaki eg hamara zi dewun ma wo bajarun madi qısê benase, ina yow me’nı, ni mı hetıd qimet vinena ni zi şıma…

Bad ın wate xuı ser ez wunag gellê umbazyên; Şıma çendêk êşkêni qıjundi Zazaki qısê bıkerên, Zazaki bı muısnên yin. Vêwun xuıdı zi Zazaki qısê bıkerên. Ni nê Zazaki, raşta zi vatê Unesco neheq ni vejena o bena vin şına.

Ma zunig, piyorê zunun mehluıqati, ayetun Humê’rayi. Miyun ina yow xewatıd biyayiş, Hım wêş Humê‘yra şına o hımı zi şıma ınêra kar kêni.

Ina sita mı ına sebebra vıraşta. Çım çıra ez zunag, vera qum xuı ez ınêra mes’ula. Ez wazenag şımazi miyun ina yow xewatidıbi. Eg şıma ni êşkêni maqala bınısi ze, ez zunag şıma êşkêni maqalunır cewab bınısi. Yow cewab şıma zahf paşt duna ma.

Xuı vira mekerên; ZAZAKİ Zİ Zê Piyorê Zunun, Ayetun Hume’rawa…

In qalun mı xuı queş kerên, pieş mekerên…