Volapükabür tälik
Bled obsik al duinön oki pöfüdik e al blöfön pöfüdöfi keli des nu vp kanom blinön utes kels melakoms ko selän, damanifom büri äs uts kels sibinoms ya in Paris, Wien, Hamburg, Antwerpen, Nürnerg e Kjöbenhavn, ko zeils suköl:
Kels, desänöl kömön al Täl u tävöl da ot, desidoms sumön danotis dö zifs u läns kelis viloms visitön, besäkomsös obis - nemedamo, if sevoms vpi u medamü vpel sembal neta omsik e danots valik pogivoms.
Tedels, studöls kels mütoms spodön ko selänels kelas nenoloms püki (vilobs pükön dö lödels netas valik pekulivöl) okanoms dunön osi medamü obs ibo valöpo labobs spodelis kels sevoms vpi e vilöfiko oyufoms obis in din at.
Pesagölos tefü spod binos völadlik i plo maniföf (zülags, nüns, nots, ninsäds e l.).
Bür spodom penedo u telegafo segun desid besäkölas, e spodom, pläs in tälapük e vp, i in püks flentik, deutik, nelijik e spänik.
Vpabür flagom te güvi delidas.
Ladet penedik e telegafik: Volapükabür - Torino.
Se Volapükabled Tälik 1888, Nüm: 3, Pad: 17.