Verses In Answer To The Weddeen O Ballymore

Trippeathes an brand-eyrons waar ee-brougkt to a big breal.
Baakhooses an lauckes waar aul ing a zweal
[Wee] vaate apan vaate ee met-borde was ee-helt
Tibbes an crockes wee drink waar ee-felt.

Amang wefty jheme, 'cha jeist ee-rid apan
A laafe ing lemethes chote wel ta ba zang
Ayenst zim vartful ropeare ta rumcht ouse avar.
Ingsaury neileare pidh hys niz udh av har.

Adee! well zide, stuggoone, an ee raste o' graabache
Goe gaame abut Vorth, Thou unket saalvache.
Thou ne'er eighthest buskes, wee palskes, breede-kaake;
Craneen t' thee wee aam, thee lugges shell aake.

Heal, griue, an ken apan thee, graacuse Vorth
Mye thee vriene ne’re waant welkome, nar straayart comfoort.
Risheeneares! Leth aam gaame wee aar barish-amang
At ye mye ne’er be wooveless ta vill a lear jock an kooan.