Vörwinachstiet

From Wikisource
Jump to navigation Jump to search
Vörwinachstiet.
Author: Klaus Witt
Text type: Gedicht
Comment:


:

Vörwinachsdaag! Vörwinachsdaag!
Dat is en feine Tiet!
De Köök rückt al na Pepernööt,
un Winacht is nich wiet.

De Jungs un Deerns, de Jungs un Deerns,
wat sünd de in de Faart!
Se kloppt un maalt, se strickt un neit,
dat hett en rechte Aart.

De Dannenbööm, de Dannenbööm
kaamt von den Wald to Stadt. -
Ool Sünnerklaas packt vull sien Sack.
maakt gau sik op de Padd.

De ole Klaas, de ole Klaas
sliekt sacht üm Huus un Kaat ...
O, Hans un Hein, o, Lott un Liesch,
nu hoolt jo man paraat!

Denn - een, twe, dre; denn - een, twe, dre
kloppt Niklaas an de Döör.
Well nu sien Lex nich seggen kann,
kriggt fix wat achtervör.