Vödem redaka, VpN 1955, Nüm: 1

Dönu yel bal epasetikon, e binobs ün prim yela nulik. Kisi yel at ogvion-li obes? Atosi no sevobs ab alo lüvipobs ladöfo reidanes lestümik valik obsik gudikünosi. Yel: 1955 blinonös ones sauni, e benoseki pö vobods onsik! Yel at blinonös i gudikosi mödik e progedi dine sublimik obsik: Volapük! Spelobs ladöfo, das reidans obsik, alan ma fäg lönik oka, i ovilons kevobön ko obs ad dagetön zeili at. Zesüdos so vemo, das vol labon gebidi mekavapüka te bala, efe mekavapüka, kel dalabon patöfis valik pro pük valemik neodikis. No nedobs numädön onis pro reidans obsik, ab vilobs ga kazetön, das Volapük sekü binod okik binon so kuratik, das i pötöfon pro nunods nolavik e baläds bevünetik. Klu nogna: kevobobsöd ad propagidön Volapüki!

REDAK.

Volapükaklub valemik Nedänik: Doküms

Se Volapükagased pro Nedänapükans 1955, Nüm: 1, Pad: 1.