User:Kaarkemhveel/тронэ-сӣрр

Тронэ сӣрр (a Game of Thrones)

Current status: Unreviewed by specialists

Translated directly from English.

Э̄ввтлэсьса̄ннҍ

“Мӣнэтҍ быдт моа̄һцэшкуэдтӭ,” Гарэдт выййлэдтӭ, куэссь ва̄ррь пырр сӣнэ ся̄ййвнэшкуадт. “Коаннҍто̄ллмэ ле̄в я̄мма.”

“То̄н я̄мма сӯррькахт?” О̄ссподт Вуэйймар Ро̄ййс кэ̄же со̄н лышшэ муэййнант чумьпэнҍ. Гарэдт се̄пьт э̄л эйй та̄бха. Со̄нн ля̄йй вуэммь о̄ллмэнҍ, пуаррсамп выдтлоа̄гке, я со̄нн уйнэнҍт ко̄ххт лордӓ^[1] пуэдтӭв я уййтэв. “Я̄мма лӣ я̄мма,” со̄нн цӣӆькэ. “Мыйй я̄ммей о̄ллмэгуэйм тӯетҍ ебпь выг.”

“Ле̄в-гэ сыйй зоа̄бэль я̄мма?” Ро̄ййс сӯбптэнне кэ̄же. “Манҍтэ вӯзьхэг^[2] мӣнэнҍ ле̄в?”

“Вилл уйнэ сӣнэтҍ,” Гарэдт цӣӆькэ. “Коале со̄нн ця̄ӆӆк, сыйй ле̄в я̄мма, мун гуэйкэ тэдта лӣ вуаллэй вӯзьхэгк.”

Вилл тӣдӭ, сыйй ке̄ссев со̄н ёввмушша а̄йка вай маӈӈьла. Со̄нн та̄тэ тэдта лиһч маӈӈьла гӯ а̄йка. “Я̄ннам ця̄ӆӆк мэннӭ, я̄ммей ла̄влэтҍ ев а̄й,” со̄нн пыйй.

“Мунн ниӎтэй^[3] ныдтҍшэ па̄ҋк цӣӆькэ, Вилл,” вуэсстэль Ро̄ййс. “Никуэссь ель оаск нимэ̄нн нызан нинчесьт. Ле̄в па̄ҋк, ко̄йт вуаяк э я̄ммьенҍ тӣдҍсэ.” Со̄н ӣнн куллай, пэре тоаввсэнне ве̄ййк ва̄ресьт.

“Эвтэсьт мӣнэ кугкесь чуэкас лӣ,” вӯзяхт Гарэдт. “Ка̄ххц пе̄йв, вуайй-ля̄ннч аххц. Я ыйй шэ̄нтэ.”

О̄ссподт Вуэйймар Ро̄ййс тывьха альм э̄л выльшхэсьтэ. “Со̄нн лыһк тэнн югке пе̄йв тэнн ве̄рьт па̄ль. Со̄н се̄ввьнэссь-гэ пэӆт, Гарэдт?”

Вилл вӯе уййнэ кыннтасвуд пырр Гарэд ня̄льм, элэлэ тулльей поа̄ссвуд ча̄льмэсэсьт со̄н пла̄ж кэ̄ссесь я се̄ввьнесь вуэйв вӯлленҍ. Гарэдт не̄лльйлоагь ыгке Ый Карвулантэсьт^[4] выгэ, оалмэнҍ я па̄ррьнэнҍ, я со̄нн луэннмушша ӣжь эйй поаййма. Я пайшшегке тэдта ля̄йй тэнн е̄намп. Роа̄ӊӊтэнч ыльп вӯлленҍ Вилл вӯе мӣ-ля̄ннч вя̄л пуэресь о̄ллмэсьт кулле. Вӯйекь кӣххчлэ тэнн; нервъесь^[5] кэ̄ррлаһтҍмушш^[6], кӯ пэӆтэсс алльтъенне вагка пӯдӭ.

“” ... WIP

Ёарркэй кырьйхэмуж тӣт

1. Лордэнч — удць лоррд, "lordling".
2. Вӯзьхэгк — па̄ҋҋк мэ̄нн ве̄кенҍ мэ̄нн-ля̄ннч вӯзьхэв, "proof".
3. Ниӎтэй - нызан, ке̄ ниӎт парна ранҍтэнҍ, "wet nurse"
4. Ый Карвулант - "Nightʼs Watch", карвулант - карвуллэ са̄нӭсьт, "watch".
5. Нервъесь - "нервнэ"
6. Кэ̄ррлаһтҍмушш - кэ̄ррлаһтӭ са̄нӭсьт, "tension".