Umêdî Weslî Tom Zanî
Umêdî weslî tom zanî nîşaney bênîşanî bû
Ewey êmey firîb da îltîfatî ser zubanî bû
Le ser Tûrî ruxt Mûsa ke Fîre’wnî xetî la da
Le sîrrî zarî toy pirsî cewabî len teranî bû
Eger Mûsa û Dara bî le dinya behrewer nabî
Dezanî mensebî herdû şiwanî û aşewanî bû
Le sayey lêw û dinidanî le ber çawim nema şanî
Eger le’lî yemanî bû, weger ellmasî kanî bû
Meger bîstûyetî xettit le nêw çahî zenexdanit
Esîrî Yûsif e boye nizûlî karwanî bû
Ewî to hetbû û min nembû qerar û sebr û ‘îzzet bû
Ewî min hembû to netbû wefa û mîhrebanî bû
Zemanî hall û sermayey bed û nîkit nebû kellkî
Le musteqbel billê Hacî le mazî da zemanî bû
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse