Ua Like Nō A Like
Jump to navigation
Jump to search
| Ua Like Nō A Like (1882) |
Ua like nō a like
Me ka ua kani lehua
Me he ala e ʻi mai ana
Aia i laila ke aloha
Hui:
ʻO ʻoe nō kaʻu i ʻupu ai
Kuʻu lei hiki ahiahi
ʻO ke kani a nā manu
I nā hola o ke aumoe
Maʻanei mai kāua
He welina paʻa i ka poli
A nāu nō au e ʻimi aʻe
A loaʻa i ke aheahe a ka makani
He moani kaʻu i honi
ʻOiai eia i ka midnight
Me nā kipona waianuhea
Ka maʻalo aʻe i kuʻu maka
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication.
Public domainPublic domainfalsefalse