Tweespraak

Tweespraak.
Author:	Fooke Hoissen Müller
Dialect:	[[Dialekt:Oostfrees|]]
Text type:
Comment:	from: Tausend Jahre Plattdeutsch, Conrad Borchling un Hermann Quistorf, S. 263 1927 Hamborg
:

Sön:
’k was ok in der Kark; dar hör ik hollandsk spräken.
Dat ’s, dücht mi doch, hierlands een egen Mood!

Vader:
Uns Heer versteit uns alle like good,
Of wi Latiensk of Hollandsk mit hum spräken,
Hebreesk of Hoogdüütsk, kummt man alle dat
Van Harten un is waar, na Minskenräken.
Man seggen mutt ik doch, wenn irgend wat,
Hört he am leevsten uns ostfreeske Platt.
Denn darin is woll van de ollste Dagen
Bet nu am minnsten lagen un bedragen.
Laat uns man hapen, dat et ok so bifft,
Wenn man in Platt nu ok wär druckt un schrifft.