tu kuntu/4

by by kule epiku Atawan and kala pona Tonyu

←3 - lon nasin pi ma kasi - suno pini

tu kuntu  (2021)  by kule epiku Atawan and kala pona Tonyu act 4

5 - lon insa tomo - pimeja open→

[ 27 ] - LON NASIN PIMEJA - SUNO PINI

 

JAN KUNTULI en JAN TU li awen tawa, li awen luka. SOWELI li tawa kin, lon poka ona. ILO NANPA li awen lon luka ante pi JAN TU.

 

ILO NANPA
(kepeken kalama ilo)
sina jo e kili pi mute seme?

 

JAN KUNTULI
mi sona ala a!

 

JAN TU
(lon pilin ike lili)
a... sina toki e ijo moku la mi wile moku...

 

kalama pi wile moku li kama tan sijelo pi JAN KUNTULI.

 

JAN KUNTULI
a a, mi pilin e ni kin.

 

ILO NANPA
(kepeken kalama ilo)
sina jo e ilo nanpa, la sina ken kepeken nena ni.

 

nena wan pi ILO NANPA li kama suno.

 

JAN TU
(tawa ILO NANPA lon luka ona)
a? nena li lon a.

 

ILO NANPA
(kepeken kalama ilo)
kili li lon, la o pilin e nena!

 

JAN TU li pilin e nena. taso ijo ala li kama lon.

 

JAN TU
sina powe a, ilo nanpa...

 

JAN KUNTULI li kuntu.

 

JAN KUNTULI
(lon musi)
o pilin! o pilin! o pilin! o pilin! o pilin!

 

[ 28 ]JAN KUNTULI li pilin e nena lon sin pi nanpa luka.

 

ILO NANPA
(kepeken kalama ilo)
mi jo e kili luka!

 

tan sewi la, kili luka li kama lon.

 

JAN TU
a! moku!

 

ILO NANPA
(kepeken kalama ilo)
tenpo moku li kama a! o moku!

 

JAN KUNTULI
(lon kuntu mute)
a a a a, pona mute a.

 

ona tu li moku e kili, li awen tawa.

 

JAN TU
ilo nanpa o, kili ni li pona mute a!

 

ILO NANPA
(kepeken kalama ilo)
ilo nanpa li sona e nasin pi moku pona, kin.

 

JAN KUNTULI
kili ni li pona mute tawa sina, anu seme, jan Tu o?

 

JAN TU
lon... mi jan lili la, mi moku mute e ona. tenpo mute la mi moku ala...

 

JAN KUNTULI
a! ni la, pini pi ale ni la, mi o esun mute e ni...

 

ILO NANPA
(kepeken kalama ilo)
sina jo e mani mute, la o pana e mani mute tawa mi!

 

JAN KUNTULI
(lon kuntu)
a a, mani mute li wile—

 

[ 29 ]kalama suli. JAN KUNTULI li tawa anpa, li weka tan lukin.

 

JAN KUNTULI
AAA!

 

JAN TU
(kepeken jasima kalama pi JAN TU)
AAA!

 

ILO NANPA
(kepeken kalama ilo, lon tenpo sama pi pilin monsuta)
ILO NANPA!

 

SOWELI
(lon tenpo sama)
MU!

 

JAN KUNTULI li lon lupa anpa. noka ona li awen lon ko, li ken ala weka. kule pi ko ni li sama ko nasa lon kon.

 

wawa la, JAN TU li lukin tawa anpa, li alasa tawa e JAN KUNTULI.

 

JAN TU
JAN KUNTULI O! sina pona anu seme?

 

SOWELI
MU! mu mu!

 

SOWELI li tawa sike lon lupa. JAN KUNTULI li alasa weka e noka ona tan ko.

 

JAN KUNTULI
(lon pilin pakala)
pilin mi la, sijelo mi li pona... taso mi ken ala kama sewi tan ni a...

 

JAN TU
ike a! mi o pali e seme?

 

JAN TU li alasa lanpan e luka pi JAN KUNTULI, li alasa weka e ona tan lupa.

 

JAN KUNTULI
mi sona ala! ken la ilo nanpa li ken sona?

 

[ 30 ]

ILO NANPA
(kepeken kalama ilo)
mi sona ala—

 

wawa la, ijo pimeja li kama tan sewi. ona li suli.

 

JAN TU en JAN KUNTULI li lukin tawa ijo ni lon pilin monsuta.

 

SOWELI
mu!

 

walo li kama lon ijo ni. ona li jan, li suli mute. lukin la, ona li ike. ona li pini tawa anpa, la noka ona li kalama suli lon supa. ona li oko e JAN KUNTULI.

 

JAN ANKEWI
a, jan Kuntuli o. toki.

 

JAN KUNTULI li alasa weka tan anpa. taso alasa ona li ike.

 

JAN KUNTULI
(kepeken tenpo mute, lon pakala mute pi toki ona)
...toki. sina... seme?

 

JAN ANKEWI
a, nimi mi li Ankewi.

 

JAN ANKEWI li kalama e kuntu pi ike mute. JAN TU en JAN KUNTULI li lukin, li pilin monsuta.

 

JAN TU
...sina wile e seme tan mi tu? sina pali e seme tawa jan Kuntuli?

 

JAN ANKEWI
sina lon tomo mi. mi wile ala e jan lon tomo mi.

 

SOWELI li nena wawa e JAN ANKEWI. JAN ANKEWI li weka wawa e ona.

 

SOWELI
(kepeken pilin pakala, lon weka)
mu!

 

JAN TU
(lon pilin ike)
mi lon tomo sina tan wile sona mi!

 

[ 31 ]

JAN KUNTULI
(lon awen pi pilin monsuta)
jan Tu o...

 

JAN KUNTULI li alasa luka e JAN TU. JAN TU li luka e luka pi JAN KUNTULI. taso ona li kute ala e JAN KUNTULI, li awen lukin e JAN ANKEWI.

 

JAN ANKEWI
ona li suli ala tawa sina.

 

JAN TU
ala! sina pana e ike tawa jan pona mi... ni la, mi wile sona e tan!

 

JAN ANKEWI
toki sina la sina wile e ike mi.

 

JAN TU
lon! mi wile sona!

 

JAN ANKEWI li kama lon sinpin pi JAN TU. lukin la, JAN TU li pilin monsuta lili, taso ona li weka ala.

 

JAN KUNTULI
(kepeken wawa pi kalama lili)
jan Tu o, tan seme la sina toki e ni?! ona li wawa mute! li ken moli e sina!!

 

JAN TU
mi- mi sona.

 

JAN KUNTULI li luka e luka pi JAN TU kepeken luka tu. oko ona li kama lon linja lukin sama.

 

JAN KUNTULI
(kepeken tenpo mute, kepeken pilin mute)
ni la... sina toki e ni tan seme?

 

JAN TU
(lon pilin pakala)
tan... tan ni: mi wile awen e sina. mi wile ala e ike tawa sina, jan Kuntuli o... ike ni o weka.

 

JAN KUNTULI
a... taso—

 

[ 32 ]

JAN TU
(kepeken wawa)
o utala ala e toki mi.

 

JAN KUNTULI li pake toki, li lukin e JAN TU.

 

JAN TU
(kepeken pilin mute, kepeken suli)
o sona e ni: jan ni li pana e ike e nasa tawa sina. mi wile e pona sina...

 

lukin la, telo lili li kama tan oko pi JAN KUNTULI.

 

JAN TU
(lon awen toki)
tan ni la, mi o utala e jan ni lon pakala ken mi, lon moli ken mi. mi wile sona e pona sina.

 

JAN TU li pana e luka tu tawa luka pi JAN KUNTULI.

 

JAN KUNTULI
(kepeken pilin pi monsuta lili)
taso- taso o moli ala! o toki e ni tawa mi. sina ken ala moli.

 

telo lili li kama tan oko pi JAN TU kin.

 

JAN TU
mi o alasa pona e ni.

 

JAN KUNTULI li luka wawa e luka pi JAN TU. lukin la, ona li pilin monsuta mute.

 

JAN KUNTULI
(lon telo tan oko)
o alasa mute e ni! sina moli la, mi ken ala awen lon...

 

JAN TU
mi o alasa mute e ni. o sona e ni, jan Kuntuli o... mi—

 

wawa la, JAN ANKEWI li weka e luka pi ona tu.

 

JAN ANKEWI
(kepeken wawa)
o pake e pilin ko ni ale! ona li jaki!

 

[ 33 ]JAN ANKEWI li weka e JAN TU tan JAN KUNTULI.

 

JAN ANKEWI
sina tu li jaki! o pake e ale ni!

 

ILO NANPA
(kepeken kalama ilo)
sina jaki!

 

SOWELI
mu!

 

JAN ANKEWI li weka e ILO NANPA e SOWELI kepeken noka. JAN TU en JAN KUNTULI li kalama kon ike lon tenpo sama.

 

JAN KUNTULI
(kepeken pilin ike)
soweli o! ilo nanpa o!

 

JAN TU
(kepeken wawa, tawa JAN ANKEWI)
tan seme? sina ike tawa jan anu seme?

 

wawa la, JAN TU li kama lon sinpin poka pi JAN ANKEWI.

 

JAN TU
(kepeken wawa mute)
sina ike tawa jan melome, anu seme?

 

JAN ANKEWI
(kepeken wawa mute kin)
sina ike. ale ni li jaki. ona li nasa, li jaki, li powe.

 

wawa la, SOWELI li nena e JAN ANKEWI. JAN ANKEWI li weka wawa sin e ona.

 

JAN TU
(lon awen wawa)
sina wile e ike tawa jan melome anu seme? sina jan ike anu seme?

 

JAN TU li kama lon poka mute pi JAN ANKEWI.

 

JAN KUNTULI
jan Tu o, o awen! sina—

 

[ 34 ]

JAN ANKEWI
(lon awen wawa kin)
sina toki e ijo seme nasa? ona li jaki! ona li powe! ona li ike!

 

JAN ANKEWI li kama sewi e luka ona tawa sinpin pi JAN TU.

 

JAN TU
(lon wawa mute)
sina la, ona li ike tan seme!? ona li ken ala pona, li powe, tan seme!?

 

JAN ANKEWI
(lon kalama suli)
mi ken toki ala e tan pi pilin mi! ONA LI SULI ALA!

 

kalama suli pi JAN ANKEWI li tawa pakala e tomo. JAN ANKEWI li kiwen e luka ona, li kama open utala e JAN TU.

 

JAN KUNTULI
jan Tu o!

 

wawa la, ijo pimeja li kama tan sewi, li weka e luka pi JAN ANKEWI.

 

JAN ANKEWI
seme? a—

 

ILO SUPANPO
(kepeken kalama ilo)
Remember to read the #lawa!

 

Most important rules for #nasin-jan

 

Be respectful and considerate of other members. Stay aware of the power of your words. Any bigotry, hateful ideologies, and slurs are strictly unwelcome. This includes homophobia, transphobia, fascism, etc.

 

Enjoy the community, but steer away from heated debates or arguments, remaining respectful and conscious. This includes avoiding toxicity, such as strong aggressiveness, speaking over others, personal insulting, calls to death or violence, etc. Moderators may break up escalated arguments.

 

pake.

 

[ 35 ]

JAN ANKEWI
(kepeken pilin ike pipi)
ilo Supanpo! o weka! tenpo wawa li lon!

 

ILO SUPANPO
(kepeken kalama ilo)
Remember to read the #lawa—

 

JAN ANKEWI
o pake! mi sona!

 

JAN ANKEWI li luka e ilo Supanpo lili. ilo Supanpo li pake toki.

 

JAN ANKEWI
(tawa jan Tu, kepeken pilin pi ike lili)
mi... mi pakala.

 

ILO SUPANPO
(kepeken kalama ilo)
Remember to rea—

 

JAN ANKEWI
(tawa pakala pi toki pi ILO SUPANPO)
mi sona, mi sona! ale li pona.

 

JAN ANKEWI li pana e luka tawa lawa pi JAN KUNTULI. JAN KUNTULI li open tawa sewi lili. suno lili li open kama lon poka ona.

 

JAN KUNTULI
a!

 

open la, ko nasa li weka tan noka pi JAN KUNTULI. kama la, ko nasa li weka tan insa ona, tan sijelo ona, tan luka ona, tan lawa ona.

 

JAN KUNTULI
mi kama pona! mi pona!

 

JAN TU
ni li pona! sina kama pona! ni li pona a...

 

SOWELI en ILO NANPA li lukin pona taso e ante pi JAN KUNTULI.

 

pini la, JAN KUNTULI li kama sin tawa anpa.

 

[ 36 ]

JAN KUNTULI
(lon tawa anpa)
A! ...pakala

 

wawa la, JAN TU li tawa JAN KUNTULI, li luka sike e ona.

 

JAN TU
(lon kuntu lili)
a a, sina pona ala pona?

 

SOWELI li tawa sike lon JAN KUNTULI en JAN TU.

 

JAN KUNTULI
(lon kuntu lili)
a a, jan Tu o, mi pona. ale li pona! o luka sike kepeken wawa mute ala, a a.

 

JAN TU li toki ala, li pana e lawa ona tawa len pi JAN KUNTULI. JAN KUNTULI li luka e linja lawa pi JAN TU, li kuntu lili.

 

SOWELI li tawa, li nena e JAN ANKEWI. JAN ANKEWI li noka ala e SOWELI, li luka e SOWELI. ona li lukin tawa JAN TU.

 

JAN ANKEWI
jan Tu o... mi pakala.

 

JAN TU li kama lukin e JAN ANKEWI lon awen luka pi JAN KUNTULI.

 

JAN TU
a?

 

JAN ANKEWI
mi... mi kama sona e pakala mi. mi kama sona e ni: jan melome li ike ala, li powe ala... olin li olin.

 

JAN TU
a... mi sona. mi sona e pakala sina.

 

JAN ANKEWI
taso, mi wile kama pona. mi wile sona e nasin pi olin pona. mi kepeken ala pi nasin melome, taso... mi wile pona tawa jan ni.

 

JAN KUNTULI li tawa poka pi JAN TU.

 

[ 37 ]

JAN TU
a, sina pona! o pilin ike ala!

 

JAN ANKEWI
(lon pilin pona)
a? mi... ken pona tawa sina?

 

JAN TU
lon, sina ken pona tawa mi!

 

JAN KUNTULI
(kepeken kuntu lili)
lon! sina pilin e ni la, sina pona tawa mi, kin!

 

JAN ANKEWI
aaa, sina ale li pona. mi wile pona tawa sina, tawa jan melome ale.

 

SOWELI li tawa, li nena e JAN ANKEWI.

 

SOWELI
mu! mu mu.

 

ILO NANPA
(kepeken kalama ilo)
ilo nanpa li pilin pona tawa sina!

 

jan ale li pilin pona lon tenpo ni. JAN ANKEWI li musi kepeken luka tawa SOWELI. ILO NANPA li toki tawa ILO SUPANPO.

 

taso JAN TU en JAN KUNTULI li tawa ala.

 

JAN TU
ale li pona a... ni li pona a...

 

JAN KUNTULI
lon, sina pona mute.

 

pake lili.

 

JAN KUNTULI li lukin e oko pi JAN TU.

 

JAN KUNTULI
jan Tu o, mi wile sona e ni...

 

JAN KUNTULI li pake lili.

 

[ 38 ]

JAN TU
(lon pilin monsuta lili)
a, wile sona ni li seme...?

 

JAN KUNTULI li alasa suli e kon.

 

JAN KUNTULI
(kepeken pake mute)
...jan olin sina li seme?

 

JAN TU
...seme?

 

JAN KUNTULI
(kepeken awen pi pake mute)
toki sina la... tenpo pini la jan Ankewi li ike tawa jan melome... taso, sina jan melome tawa jan seme? tan seme la ona li sona?

 

JAN TU
a, ala—

 

JAN KUNTULI
(kepeken pilin monsuta lili, kepeken pake ala)
jan olin sina li lon, anu seme? ni la jan Ankewi li sona e ni, li ike tawa sina, la ona li pana e ike tawa mi...

 

JAN TU
ala! ni li lon ala—

 

JAN KUNTULI
(lon kute ala)
mi sona! ale li pona. sina ken olin e jan pi wile sina! mi—

 

JAN TU li pana e luka palisa tawa uta pi JAN KUNTULI.

 

JAN TU
(kepeken pilin mute)
ala, jan Kuntuli o. o kute e toki mi.

 

JAN TU li pake lili, li alasa e kute pi JAN KUNTULI. JAN KUNTULI li kute.

 

JAN TU
toki sina li lon. mi olin e jan.

 

[ 39 ]

JAN KUNTULI
(lon pilin pi ike mute)
a, mi sona! mi—

 

JAN TU
(kepeken wawa)
ona li sina!

 

pake lili.

 

JAN KUNTULI
(kepeken tenpo mute)
ona li... mi?

 

JAN TU
lon. ona li sina, jan Kuntuli o. mi olin e sina, jan Kuntuli o...

 

JAN KUNTULI
ona li mi...
(lon kama sona)
a, ona li mi!

 

JAN TU
lon! lon mute!

 

JAN KUNTULI
aaa! mi olin e sina kin, jan Tu o! mi olin e sina!!

 

luka sike pi JAN TU pi JAN KUNTULI li kama wawa. jan ante li awen pali ante, li lukin ala e olin ona.

 

tenpo li pini.

 

JAN KUNTULI
(kepeken kalama lili, tawa JAN TU)
jan Tu o... tenpo ni la mi mute o tawa tomo sin...

 

JAN TU
(tawa JAN KUNTULI)
mi wile ala weka tan sina... taso, toki sina li lon.

 

JAN KUNTULI li weka tan luka sike pi JAN TU, taso ona li awen luka e luka pi JAN TU.

 

[ 40 ]

JAN KUNTULI
mi mute o tawa tomo. tomo li pona mute.

 

JAN TU
lon a...

 

ona tu li tawa SOWELI tawa JAN ANKEWI.

 

JAN TU
a, jan Ankewi o, mi mute li kama tawa lon tenpo ni. tan ni la, mi wile weka e soweli mi tan sina.

 

JAN ANKEWI
a, mi sona.

 

SOWELI
mu! mu!

 

JAN ANKEWI li luka nanpa pini e SOWELI. SOWELI li kama weka e apeja tan ona.

 

JAN TU
soweli, o kama!

 

SOWELI
mu!

 

JAN TU en SOWELI li open tawa, taso JAN KUNTULI li tawa ala.

 

JAN KUNTULI
jan Tu, o awen...

 

JAN TU
seme? sina wile e seme?

 

JAN KUNTULI
(tawa JAN TU)
mi... mi pilin ike lili tan ni: jan Ankewi li wile sona e nasin pona olin. taso, ona li awen lon tomo ni la... ona li ken ala sona.

 

JAN TU
a...

 

JAN KUNTULI
tan ni la, mi wile sona e ni: ona li ken ala ken kama?

 

[ 41 ]

JAN TU
a! ni li ken pona!
(tawa JAN ANKEWI)
jan Ankewi o, sina wile ala wile kama lon poka mi?

 

JAN ANKEWI
...seme?

 

JAN TU
sina wile sona e nasin olin pona, anu seme? sina tawa lon poka la, sina ken sona!

 

JAN ANKEWI li pake lili.

 

JAN ANKEWI
taso sina wile e mi lon poka sina tan seme? mi ike suli tawa sina, li pakala e sina...

 

JAN KUNTULI
o pilin apeja ala! sina pona! ale li pona.

 

SOWELI
mu!

 

JAN ANKEWI
a... taso—

 

JAN TU li kama jo e JAN ANKEWI, li tawa lupa e ona.

 

JAN TU
(lon kuntu)
o taso ala!

 

JAN ANKEWI
(lon kama pilin pona)
a a, mi sona! sina pona mute a...!

 

JAN KUNTULI
pona! mi pilin pona tawa sina kin!

 

JAN TU
ni la, mi mute o tawa!

 

ILO NANPA en ILO SUPANPO li kama lon poka pi ona mute.

 

[ 42 ]

ILO NANPA
(kepeken kalama ilo)
tenpo tawa!

 

ILO SUPANPO
(kepeken kalama ilo)
jan o tawa!

 

lukin la, suno li kama tawa anpa. sewi li kama pimeja. taso ona mute li awen tawa tomo.