Treaty of Waitangi (Tokelauan)
Mea Muamua[edit]
Ko no Aliki uma o te Tukufakatahiga o Tupuaga kehekehe Hokofakatahi uma i Niu Hila ma Aliki tau-tokatahi ma tu-tokatahi ko heki i loto o teia Tukufakatahiga kua kilatou tuku atu katoatoa ki tana Afioga Mamalu te Tupu o Egelani e Aunoa ma he mahalohalo, te aiā ma te pule aoao e ve lava ona latou faia ma maua foki, pe na e iei moni foki pe heai he pule venei i o latou pitonuku tautokatahi na e kavea ai kilatou ko ni pule aoao e aunoa ma he/ie tahi ake.
Tona lua[edit]
Ko te mamalu o te Tupu o Egelani kua ia fakamaonia ma fakamautugia ki na Aliki ma na Tupuaga Kehekehe o Niu Hila ma vena foki ki o latou kaiga ma tagata tautokatahi te fuhia ma te pukegia katoa e aunoa ma te fakalavelavegia o latou Kelekele, Fenua, Vaomatua, Fagotaga ma ietahi mea totino pe ni mea tukufakatahi pe ho he mea tautokatahi kua fofou ma manatu kilatou ke taofimau kiei, kae ko na Aliki o na Tupuaga, Tukufakatahi ma Aliki tautokatahi kua tuku atu ki te Tupu Mamalu te saolotoga ma te avanoa muamua i te fakatau o ni kelekele venā pe ka fakatau kehe atu e kilatou na fakataufenua i he tau e malilie fakatahi kiei te fakataufenua fou ma kilatou ka filifilia e tana Masiofo Mamalu ke kilatou fefaiakia e fai ma o latou hui.
Tona tolu[edit]
Mai kina kua fuafuagia ai e te Masiofo Mamalu Tupu o Egelani ke faka oko-atu ki tagata-anuku o Niu Hila tana puipuiga faka-tupu ma tuku atu ai ki te kilatou uma te aiā ma te haolotoga e ve ona maua e tagata-anuku o Peletania.
(signed) William Hobson, Lieutenant Governor.