Treaty of Waitangi (Niuean)

From Wikisource
Jump to navigation Jump to search

Fakaveaga fakamua[edit]

Ko e tau Iki mo e tau matua he matakau kau fakalataha he tau māgamotu mo e tau magafaoa oti i Niu Sila, katoa mo e tau Iki taki tokotaha ne nakai fai tohiaga ke he matakau kau fakalataha; kua talia auloa e lautolu mo e tau loto kau fakalataha, ke tuku atu ke he lilifu he Patuiki Fifine a Peritania lahi, mo e nakai fakauaua, e pule katoatoa ne ha ha i ai he matakau kau fakalataha he tau Iki he motu, mo e tau Iki taki toko taha. Kia ha ha i ai i lalo hifo he malolo mo e pule faka-patuiki, e tonuhia ke he levekiaga he tau fonua mo e tau mena oti ha ha i ai.

Fakaveaga ke ua aki[edit]

Kua talia fiafia he lilifu he Patuiki Fifine a Peritania, mo e fakamau fakamailoga ai ke he tau Iki fakamaga faoa, mo e tau matakau oti a Niu Silani, Fakalataha mo e tau iki taki toko taha; ke pule a ia mo e leveki ai kehe tau fonua, tau maga vao, fakalataha mo e tau puhala takafaga ika, mo e tau mena oti ne pule mo e leveki ki ai a lautolu fakamua, ka kia tuku lele atu ke he levekiaga he pule faka Patuiki. Kua ha ha ia ia foki e tonuhia ke vehe vehe mo e tufatufa, po ke fakafua atu e tau fonua ia ki a lautolu kua tutonu hia ki ai, ke he palepale kua talia auloa ki ai a lautolu, kua fifili he Patuiki Fifine ke eke mo tau hukui hāna.

Fakaveaga ke tolu aki[edit]

Ko e fifiliaga tonu he Patuiki Fifine a Peritania ha nei kia fakailoa fakalau lahi atu ke he tau tagata motu oti i Niu Sila: Kua ha ha ia ia e pule mo e tonuhia faka Patuiki, ke leveki mo e puipui a lautolu ke he tau levekiaga oti he hāna a malolo; ti ko e mena ia, kua eke tuai a tau tagata Niu Sila, mo tau tagata kua nonofo ki lalo hifo he higoa lilifu he kautu Peritania.

(signed) William Hobson, Lieutenant Governor