Traće Serbowstwa
Trać dyrbi Serbstwo, zawostać,
A serbska korhoj zmahować,
Kaž dołho z drjewom zelene
Te hory stoja łužiske;
Dońz kamjeń tam na kamjenju
So zběha k njebju módremu
A Sprewje žórło slěborne
Do Serbow žołmy ponjese!
Trać dyrbi Serbstwo, zawostać,
A jeho kćěw mi přiběrać,
Dóńž bože słónčko wobswěći
A měsačk tón krai łužiski;
Tak dołho hač tam dešćik dźe,
Zo boža stopa tučna je,
A brjóžk so žadyn zeleni
A žadna kwětka zyboli.
Trać dyrbi Serbstwo, zawostać
A wótcny duch jo pozběhać
Kaž dołho ruta zelena
Za čestne rosće holiča;
Trać dyrbi wašnje wótcowske
A kóžde prawo khwalobne,
Dóńž žadyn zwón we kraju rži
A witaju so wote mši.
Trać dyrbi Serbstwo, zawostać,
Dóńž budźe ćěšić žadna mać
Sej łužičanske dźěćatko
A kolebać jo spěwajo;
Kaž dołho mocy myslenja
Duch łužičanski žadyn ma
A žadyn jazyk hiba so:
Trać dyrbi naše Serbowstwo!
- Author: Handrij Zejler (public domain)
- Source: http://texty.citanka.cz/pata/sc1-206.html
- Note: Stary prawopis