Totu sa culpa est de s'originale
In Codronzanos b'aiat un omine guastu e comente at bidu a tiu Gavinu passende l'aiat nadu «Gavi' faghemi un'ottava ca so guastu gai, a su nessi, s'ammentan de a mie!». E issu l'aiat subitu cantadu:
Totu sa culpa est de s'originale
pruite chi t'hat guastu est sa natura:
non tenes petza ne corporatura
e ses de ognu essu fattu male.
Zita a deus in su tribunale
chi ti paghet a su nessi sa fattura,
e in su tribunale zita a deus
chi ti mezoret o ti feta' peus!