toki Haiku kepeken toki pona

From Wikisource
Jump to navigation Jump to search
toki Haiku kepeken toki pona
by Michael F
mi kama jo e toki musi ni tan lipu ni. mi sona ala e ni: tenpo sike seme la lipu ni li kama lon. taso tenpo sike 2014 la ona li lon lipu archive.org.

English (toki Inli): Retrieved from this page on archive.org. The year of first publication is unknown, but it was no later than 2014, going by the archive.org link.

Haikus

MOLI

moli li awen

li linja lon supa ni

ala li toki


Mvey0290.jpg

MA KILI

mi wile tawa

e ma pi kili suwi

e ma laso wan


AKESI

akesi linja

li moku e luka mi

ni li pakala!


PAN

pan li supa lon

jan mani en jan lili

li moku e pan


LAPE

tenpo ali la

mi wile lape pona

mi wawa ala


Jackhammer.jpg

MA TOMO

kalama suli

li lon ma tomo ali

pona, o pini!


TELO

telo li anpa

mi wile ala pali

lon lete suli


SUWI

suwi pimeja

li pona tawa pilin

pi jan tan seme?


PIPI

pipi li toki

“o moku ala e mi!”:

ona li loje


Las sosnowy swiezy02.jpg

PONA LON

pona sijelo

li telo li tawa kin

lon ma kasi mi


ILO

tenpo ijo la

ilo pi pali pona

li ijo moli


ANTE

ma ante li lon

taso ona ali li

kalama musi


SUNO

ali li ike

weka pi suno loje

li pona lukin


CC some rights reserved.svg
Cc-by white.svgCc-sa white.svg
This work is licensed under the Creative Commons Attribution-ShareAlike 3.0 Unported license.