Toia Toia Mai Rā

by anonymous

Toia Toia Mai Rā anonymous

Tōia!
Tōia mai rā a Tainui, Te Arawa, Mātaatua,
   ngā waka o te motu!
Ma wai e tō?
Māku e tō; ma Whakapau e tō!
Tēnei hoki rā te rangonga ake nei,
He tārewa i nuku,
   he tārewa i rangi.

Tūnui ē, nau mai, nau mai,
Nau mai; ka kau téua
   i te awa i Pikopiko-i-whiti
Kia mātakitakitia tāua e te tini,
   e te mano.

Nāku koe i tiki atu
   i te Wao-nui-a-Tāne
Mihimihi e Tāne,
   kohakoha e Tāne.
Turuturu haere ana mai te wai
  o te hika o Marama.

E patua ana mai e te kōmurimuri
Nā runga ana mai o Waihī
Ko te iringa mai tēnā o ngā waka nei.
Arara, huhura te rā,
wewero te rā,
Ngā tāngata i whakariri
  ka mamau ki te taura
Kia tūmatatorohia atu e ahau
   - taku timatatoro.

Ihu o waka turuki, turuki,
Paneke, paneke!
Haramai te toki,
Haumi ē, hui ē, taiki ē!